മനുഷ്യരാശിയെ തകർക്കാൻ ഒരു വമ്പൻ രോഗം വരുന്നുവെന്ന് ലോകാരോഗ്യ സംഘടനയുടെ മുന്നറിയിപ്പ്. 'ഡിസീസ് എക്സ്' എന്നാണ് ഈ രോഗത്തിന്റെ പേര്. മൃഗങ്ങളിൽ കാണപ്പെടുന്ന ഈ രോഗം മനുഷ്യരിലേക്ക് പകർന്നാൽ മാനവരാശി മുഴുവൻ ഇല്ലാതെയാകും. ഡിസീസ് എക്സ് രോഗാണുവിനെ കുറിച്ച്‌ കൂടുതല്‍ വിവരങ്ങള്‍ ശേഖരിക്കാനോ രോഗത്തിന്റെ യഥാര്‍ത്ഥ കാരണം എന്താണെന്ന് തിരിച്ചറിയാനോ പഠന സംഘത്തിന് കഴിഞ്ഞിട്ടില്ലെങ്കിലും ഇപ്പോൾ മഹാരോഗങ്ങളുടെ പട്ടികയിലുള്ള എബോള, സീക്ക, ലാസ, ഫീവര്‍, സാര്‍സ് എന്നിവയെ വെല്ലുന്നതാകും 'ഡിസീസ്' എക്സ് എന്നാണ് സംഘടന മുന്നറിയിപ്പു നല്‍കുന്നത്.

രോഗത്തെ പ്രതിരോധിക്കാന്‍ ആവശ്യമായ ചികിത്സാ സംവിധാനങ്ങളൊന്നുംതന്നെ ഇല്ലാത്തതിനാൽ ഈ രോഗം പെട്ടെന്ന് പകരാനുള്ള സാധ്യത കൂട്ടുമെന്നാണ് സംഘടനയുടെ വിലയിരുത്തൽ. ഡിസീസ് എക്സിനെ പ്രതിരോധിക്കാനുള്ള വഴികള്‍ വികസിപ്പിക്കാനുള്ള തയ്യാറെടുപ്പുകള്‍ തുടങ്ങിയതായി ലോകാരോഗ്യ സംഘടന കമ്മറ്റി വക്താവ് ജോണ്‍ റോട്ടിഗന്‍ അറിയിച്ചു.