എമിറേറ്റ് വിമാനത്തിന്റെ എമര്‍ജന്‍സി ഡോര്‍ വഴി താഴേക്കു വീണു ജീവനക്കാരിക്ക് ഗുരുതരമായി പരിക്കേറ്റു. ഉഗാണ്ടയിലെ എന്റബേ വിമാനത്താവളത്തിലാണ് ഇത്തരത്തിലൊരു സംഭവം അരങ്ങേറിയത്. പരിക്കേറ്റ ജീവനക്കാരി ഇപ്പോൾ ആശുപത്രിയില്‍ ചികിത്സയിലാണ്. എന്നാല്‍ എങ്ങനെയാണ് അപകടമുണ്ടായതെന്ന് വ്യക്തമല്ല.

ഇക്കഴിഞ്ഞ ദിവസമാണ് സംഭവം അരങ്ങേറിയത്. ഉഗാണ്ടയിലെ എന്റബേ വിമാനത്താവളത്തില്‍, എമിറേറ്റ് EK729 വിമാനത്തില്‍ ആളുകളെ കയറ്റുന്നതിനിടെയാണ് ജീവനക്കാരി എമര്‍ജന്‍സി ഡോര്‍ വഴി താഴേക്ക് വീണത്. വിമാനത്തിലെ ക്യാബിന്‍ ക്രൂ ജീവനക്കാരിയാക്കാണ് ഇത്തരത്തിലൊരു അപകടം സംഭവിച്ചത്.

യുവതിയെ ഉടനടി ആശുപത്രിയില്‍ എത്തിച്ചതായും, അവര്‍ക്ക് വേണ്ട എല്ലാ സൗകര്യങ്ങളും ചെയ്ത് കൊടുക്കുന്നതായും എമിറേറ്റ് വക്താവ് അറിയിച്ചു. സംഭവത്തില്‍ എമിറേറ്റ് പത്ര പ്രസ്താവന ഇറക്കിയെങ്കിലും എങ്ങനെയാണ് അപകടം ഉണ്ടായതെന്ന് വ്യക്തമാക്കിയിട്ടില്ല.