അനധികൃത സ്വത്ത് സമ്പാദനക്കേസിൽ കുറ്റക്കാരിയെന്നു കണ്ടെത്തിയതിനെത്തുടർന്ന് ദക്ഷിണകൊറിയന്‍ മുന്‍ പ്രസിഡന്റിന് 24 വര്‍ഷം തടവും 17 മില്യണ്‍ ഡോളര്‍ പിഴയടക്കാനും കോടതി വിധിച്ചു.

തന്റെ ബാ​ല്യ​കാ​ല സു​ഹൃ​ത്ത്​ ചോ​യ്​ സൂ​ന്‍ സി​ലി​നെ സ​ഹാ​യി​ക്കാ​ന്‍ അ​ധി​കാ​രം ദു​ര്‍​വി​നി​യോ​ഗം ചെ​യ്​​തുവെന്നാണ്​ പാ​ര്‍​ക്കി​​നെതിരായ കുറ്റം. എന്നാല്‍ ആരോപണങ്ങള്‍ അവര്‍ നിഷേധിച്ചു. വിധി കേള്‍ക്കാനായി അവര്‍ കോടതിയിലെത്തിയതുമില്ല. അതേസമയം കേസിന്​ ജനശ്രദ്ധ ലഭിക്കുന്നതിനായി പാര്‍ക്കിനെതിരായ ​കോടതി നടപടികള്‍ അധികൃതര്‍ തത്സമയം സംപ്രേക്ഷണം ചെയ്​തിരുന്നു.

മു​ന്‍ ഏ​കാ​ധി​പ​തി പാ​ര്‍​ക്​ ചു​ങ്​ ഹീ​യു​ടെ മ​ക​ളാ​യ ഇൗ 66 ​കാ​രി​യെ 2017 മാ​ര്‍​ച്ചി​ലാ​ണ്​ അ​ധി​കാ​ര​ത്തി​ല്‍​നി​ന്ന്​ പു​റ​ത്താ​ക്കി​യ​ത്. സാം​സ​ങ്, ലോട്ടെ, എ​സ്​.​കെ എ​ന്നീ കു​ത്ത​ക കമ്പനി​ക​ളി​ല്‍​ നി​ന്നും​ 5.2 കോ​ടി ഡോ​ള​ര്‍ കൈ​ക്കൂ​ലി സ്വീ​ക​രി​ക്കാ​ന്‍ സി​ലി​ന്​ പാ​ര്‍​ക്​ കൂ​ട്ടു​നി​ന്നു എ​ന്നാ​ണ്​ കേ​സ്.

കമ്പനി​യ്ക്ക് സ​ര്‍​ക്കാ​റി​ല്‍​നി​ന്ന്​ ആ​നു​കൂ​ല്യ​ങ്ങ​ള്‍ ന​ല്‍​കാ​മെ​ന്ന്​ വാ​ഗ്​​ദാ​നം ചെ​യ്​​താ​ണ്​ കോ​ടി​ക​ള്‍ ഇൗ​ടാ​ക്കി​യ​ത്. ഇ​തു കൂ​ടാ​തെ രാ​ജ്യ​ത്തെ 18 വ​ന്‍​കി​ട കമ്പനി​ക​ളി​ല്‍ നി​ന്ന്​ 7740 കോ​ടി ഡോ​ള​ര്‍ സിലിന്റെ ര​ണ്ട്​ സ​ന്ന​ദ്ധ​സം​ഘ​ട​ന​ക​ള്‍​ക്ക്​ സം​ഭാ​വ​ന ല​ഭ്യമാക്കാ​നും പാ​ര്‍​ക്​ അ​ധി​കാ​രം ദു​ര്‍​വി​നി​യോ​ഗം ചെ​യ്​​തു എ​ന്നും ആ​രോ​പ​ണ​മു​ണ്ട്.

പ്രസിഡന്റ് രാജിവെക്കണം എന്നാവശ്യപ്പെട്ട് രാജ്യത്ത് വന്‍ പ്രതിഷേധമാണ് നടന്നിരുന്നത്. പിന്നീട് അവരെ ഇംപീച്ച്‌മെന്റിലൂടെ പുറത്താക്കുകയായിരുന്നു. ദക്ഷിണകൊറിയയുടെ പ്രഥമ വനിതാ പ്രസിഡന്റാണു പാര്‍ക് ഗ്യൂന്‍ഹൈ.