മണ്ഡലകാലം നടപടി കയ്യുടനെ... ദേവികുളം സബ് കളക്ടര് പ്രേംകുമാര് ശബരിമല സ്പെഷല് ഓഫീസര്; ക്രമസമാധാന പ്രശ്നമുണ്ടായാല് വെടിവയ്ക്കാന് പോലും ഉത്തരവിടാന് അധികാരം നല്കുന്ന ക്രിമിനല് നടപടി ചട്ടത്തിലെ സെക് ഷന് 20 (2) പ്രകാരമുള്ള അധികാരത്തോടെയാണു നിയമനം
വരുന്ന മണ്ഡലമാസ കാലം നിയന്ത്രണ വിധേയമാക്കാന് ശക്തമായ തീരുമാനവുമായി സര്ക്കാര് മുന്നോട്ട്. ദേവികുളം സബ് കളക്ടര് വി.ആര്. പ്രേംകുമാറിനെ ശബരിമല മണ്ഡല മകരവിളക്കു കാലത്തെ ഉത്സവവുമായി ബന്ധപ്പെട്ടു മജിസ്റ്റീരിയല് പദവിയുള്ള സ്പെഷല് ഓഫീസറായി നിയമിക്കാന് മന്ത്രിസഭ തീരുമാനിച്ചു. യുവതീ പ്രവേശനവുമായി ബന്ധപ്പെട്ടു ശബരിമല തീര്ഥാടന കാലത്തു സംഘര്ഷമുണ്ടാകുമെന്ന ഇന്റലിജന്സ് റിപ്പോര്ട്ടുകളുടെ അടിസ്ഥാനത്തിലാണിത്. ക്രമസമാധാന പ്രശ്നമുണ്ടായാല് വെടിവയ്ക്കാന് പോലും ഉത്തരവിടാന് അധികാരം നല്കുന്ന ക്രിമിനല് നടപടി ചട്ടത്തിലെ സെക് ഷന് 20 (2) പ്രകാരമുള്ള അധികാരത്തോടെയാണു നിയമനം.
ഇതിനായി പ്രത്യേക തസ്തിക മന്ത്രിസഭ സൃഷ്ടിക്കുകയായിരുന്നു. ശബരിമല, പമ്പ, നിലയ്ക്കല് എന്നീ സ്ഥലങ്ങളിലെ എല്ലാ സര്ക്കാര് വകുപ്പുകളുടെയും ഏജന്സികളുടെയും പ്രവര്ത്തനങ്ങള് ഏകോപിപ്പിക്കുന്നതിനു ചുമതലയുളള അഡീഷണല് ജില്ലാ മജിസ്ട്രേറ്റ് ആയിരിക്കും പ്രേംകുമാര്.
ശബരിമലയില് മണ്ഡലമകര വിളക്കു കാലത്തേക്കായി പ്രത്യേക ഓഫീസര് വേണമെന്നു മുഖ്യമന്ത്രി പിണറായി വിജയനാണു മന്ത്രിസഭാ യോഗത്തെ അറിയിച്ചത്. ഇതിന്റെ അടിസ്ഥാനത്തില് ചീഫ് സെക്രട്ടറി ടോം ജോസ് നിരവധി ഐഎഎസ് ഉദ്യോഗസ്ഥരുടെ പേരുകള് നിര്ദേശിച്ചു. ഒടുവില് പ്രേംകുമാറിനെ നിശ്ചയിക്കുകയായിരുന്നു.
പത്തനംതിട്ട ജില്ലാ കളക്ടറാണു ശബരിമലയുടെ കാര്യങ്ങള് നോക്കിവന്നത്. അദ്ദേഹത്തിനു ജില്ലയുടെ മറ്റു കാര്യങ്ങള്കൂടി നോക്കേണ്ട സാഹചര്യത്തിലാണു മണ്ഡലമകരവിളക്കു കാലത്ത് പുതിയൊരു ഐഎഎസ് ഉദ്യോഗസ്ഥനെക്കൂടി നിയമിക്കുന്നത്. അതേസമയം, താരതമ്യേന ജൂണിയറായ സ്പെഷല് ഓഫീ സുടെ നിര്ദേശം എഡിജിപിമാരും ഐജിമാരും അനുസരിക്കുമോ എന്ന ആശങ്ക ചിലര് പ്രകടിപ്പിക്കുന്നുണ്ട്.
ദേവികുളം സബ് കളക്ടറായ പ്രേംകുമാര് മൂന്നാറിലെ ഭൂമിസംബന്ധമായ വിഷയത്തില് എസ്. രാജേന്ദ്രന് എംഎല്എയുമായി ഇടഞ്ഞിരുന്നു. മൂന്നാറില് അര്ഹരായവര്ക്കു ഭൂമിയുടെ പട്ടയം നല്കുന്നതിനുള്ള നടപടികള് പൂര്ത്തിയാക്കിവരികയാണ്. ഇതുമായി ബന്ധപ്പെട്ട് എംഎല്എയുമായി തര്ക്കങ്ങള് നിലനിന്നിരുന്നതായും പറയപ്പെടുന്നു. പ്രേംകുമാറിനു പകരം ദേവികുളം സബ്കളക്ടറായി രേണു രാജിനെ നിയമിച്ചു.
https://www.facebook.com/Malayalivartha
