ദേശീയ പാതയിൽ മിനിലോറിയിൽ ബൈക്ക് കൂട്ടിയിടിച്ച് പൊള്ളലേറ്റ് എന്ജിനീയറിങ് വിദ്യാർത്ഥിക്ക് ദാരുണാന്ത്യം; ബൈക്കില് ഒപ്പമുണ്ടായിരുന്ന സഹപാഠിയെ ഗുരുതരമായി പൊള്ളലേറ്റ നിലയിൽ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു
ഹരിപ്പാടിന് സമീപം ദേശീയ പാതയിലുണ്ടായ വാഹനാപകടത്തില് എഞ്ചിനീയറിംഗ് വിദ്യാര്ത്ഥിയ്ക്ക് ദാരുണ മരണം. കോയമ്പത്തൂരിൽ എഞ്ചിനീയറിംഗ് വിദ്യാര്ത്ഥിയും ചെങ്ങന്നൂര് മുളക്കഴ കിരണ് നിവാസില് കൃഷ്ണന്റെ മകനുമായ കിരണ് കൃഷ്ണന് (22) ആണ് മരിച്ചത്. ബൈക്കില് ഒപ്പമുണ്ടായിരുന്ന സുഹൃത്തിനെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു.
ഇന്ന് രാവിലെ ഏഴ് മണിയോടെയാണ് ദേശീയ പാതയില് നാടിനെ നടുക്കിയ ദുരന്തമുണ്ടായത്. അമിത വേഗത്തിലെത്തിയ ബൈക്കും ലോറിയും ഇടിച്ച് കത്തുകയായിരുന്നുവെന്ന് ദൃക്സാക്ഷികള് പറയുന്നു. നാട്ടുകാര്ക്ക് എന്തെങ്കിലും ചെയ്യാനാകുന്നതിന് മുമ്ബ് തന്നെ കിരണിന്റെ ശരീരത്തില് തീ പടര്ന്നു. ശരീരത്തില് പൂര്ണമായും പൊള്ളലേറ്റ നിലയിലാണ് മൃതദേഹം. കോയമ്ബത്തൂരില് നിന്നും ചെങ്ങന്നൂരിലേക്ക് വരികയായിരുന്നു കിരണും സുഹൃത്തും. അപകടത്തെ തുടര്ന്ന് ദേശീയ പാതയില് ഏറെ നേരം ഗതാഗത തടസവുമുണ്ടായി.
https://www.facebook.com/Malayalivartha
