മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് ഓഖി ദുരിതബാധിതര്‍ക്ക് രണ്ട് കോടി രൂപയുടെ പാക്കേജ് അനുവദിച്ചു. ഓഖി ദുരിതത്തില്‍ വീട് തകര്‍ന്ന 458 കുടുംബങ്ങള്‍ക്കാണ് 2.042 കോടി രൂപയുടെ പാക്കേജെന്ന് മുഖ്യമന്ത്രിയുടെ ഓഫീസ് അറിയിച്ചു.
ദുരിതത്തില്‍ പെട്ട ഓരോ കുടുംബത്തിന്റെയും നാശ നഷ്ടം വിലയിരുത്തി 15,000 രൂപ മുതല്‍ 50,000 രൂപ വരെ ധനസഹായം നല്‍കും. ജില്ലാ കളക്ടര്‍ അദ്ധ്യക്ഷനായ സമിതി അംഗീകരിച്ച് പട്ടികയില്‍ ഉള്‍പ്പെടുത്തിയവരാകും ഇതിന്റെ ഗുണഭോക്താക്കള്‍. ഓഖി ദുരിതത്തില്‍ മരിക്കുകയോ കാണാതാകുകയോ ചെയ്ത മത്സ്യതൊഴിലാളികളുടെ കുട്ടികളുടെ വിദ്യാഭ്യാസം ഉള്‍പ്പെടെയുള്ള ചെലവുകള്‍ എറ്റെടുക്കുമെന്ന് കഴിഞ്ഞ ദിവസം സര്‍ക്കാര്‍ അറിയിച്ചിരുന്നു. ഇങ്ങനെയുള്ള 318 കുട്ടികള്‍ക്കായി 13.92 കോടി രൂപ വകയിരുത്തിയിട്ടുണ്ട്.