ഇടതു തീവ്ര ഗ്രൂപ്പുകളുടെ പിന്തുണ? ശബരിമലയില് കയറാന് വേണ്ടി വാര്ത്താ സമ്മേളനം നടത്തിയ യുവതികള്ക്കൊപ്പമുള്ള ഗ്രൂപ്പുകള് നിരീക്ഷണത്തില്
യഥാര്ത്ഥ ഭക്തര് പോലീസിന്റെ നിയന്ത്രണത്തെ തുടര്ന്ന് ശബരിമലയില് കയറാനാകാതെ വീര്പ്പ് മുട്ടി മടങ്ങിയ കാഴ്ച ഇന്നലെ എരുമേലിയില് നിന്നും വന്നിരുന്നു. അതേ സമയം ശബരിമലയില് കയറാനെന്ന പേരില് ചില ആക്ടിവിസ്റ്റുകളും രംഗത്തെത്തിയിട്ടുണ്ട്. അതിലൊന്നായിരുന്നു എറണാകുളത്ത് കഴിഞ്ഞ ദിവസം യുവതികള് നടത്തിയ പത്ര സമ്മേളനം. അതേസമയം ശബരിമല വിഷയത്തില് ഇടതു തീവ്ര ഗ്രൂപ്പുകളുടെ സാന്നിധ്യം പോലീസ് സംശയിക്കുകയാണെന്നാണ് റിപ്പോര്ട്ട്. ശബരിമല ദര്ശനത്തിനു പോകാന് മാലയിട്ട യുവതികള് എറണാകുളം പ്രസ് ക്ലബില് വാര്ത്താസമ്മേളനം വിളിക്കാനിടയായ സാഹചര്യം പോലീസ് അന്വേഷിച്ചു തുടങ്ങി.
ശബരിമലയ്ക്കു പോകുന്നതിനു തയാറായ യുവതികളോട് പത്ര സമ്മേളനം നടത്തുന്നതില് നിന്നു പിന്മാറണമെന്ന് രാവിലെ പോലീസ് അഭ്യര്ഥിച്ചിരുന്നു. നിര്ദേശം വകവയ്ക്കാതെ എത്തിയ യുവതിളെ പിന്തുണച്ച് ഒപ്പം വന്ന ചിലരുടെ പശ്ചാത്തലമാണ് തീവ്ര ഗ്രൂപ്പുകളുടെ പിന്തുണ ഇവര്ക്കുണ്ടെന്ന് സംശയിക്കാന് കാരണം.
മുന്പ് കൊച്ചി കേന്ദ്രീകരിച്ചു നടത്തിയ ചില സമരങ്ങള്ക്കു പിന്നില് പ്രവര്ത്തിച്ചവരുടെ സാന്നിധ്യം പ്രസ് ക്ലബ് പരിസരത്തുണ്ടായിരുന്നു. ഇവരില് പലരും യുവതികള്ക്കൊപ്പം പ്രസ് ക്ലബില് പ്രവേശിക്കാന് ശ്രമിച്ചെങ്കിലും പോലീസ് അനുവദിച്ചില്ല.
മാധ്യമ പ്രവര്ത്തകരാണെന്ന ഭാവത്തില് യുവതികള്ക്കൊപ്പം സമ്മേളന സ്ഥലത്തെത്തിയ ചിലര് മാധ്യമ പ്രവര്ത്തകരുടെ ചോദ്യങ്ങളില് ഇടപെടുകകൂടി ചെയ്തതോടെയാണ് സംശയം ബലപ്പെട്ടത്. വടക്കന് ജില്ലകളില്നിന്നുള്ള യുവതികളും ഇവര്ക്കൊപ്പം വന്ന ആക്ടിവിസ്റ്റുകളും കൊച്ചിയിലെത്തി വാര്ത്താ സമ്മേളനം വിളിക്കാന് തീരുമാനിച്ചതിനു പിന്നില് കൊച്ചി കേന്ദ്രീകരിച്ചു മുന്പു നടന്ന സമരങ്ങളില് സജീവമായി പ്രവര്ത്തിച്ചവരാണെന്നാണ് നിഗമനം.
"
https://www.facebook.com/Malayalivartha
