ഭാര്യയെ പോലും വെറുതേ വിട്ടില്ല.... അപമാനിച്ച് കളങ്കിതനാക്കി ഇറക്കിവിടാന് ശ്രമിച്ചത് സ്വന്തം പാര്ട്ടിക്കാര് തന്നെ; പ്രതിപക്ഷത്തേക്കാള് രൂക്ഷമായി പാര്ട്ടിക്കുള്ളില് ഇരുന്ന് വിമര്ശിച്ചു; ഭാര്യ ഉള്പ്പെടെയുള്ളവരെ കേസിലേക്ക് വലിച്ചിഴയ്ക്കാനുള്ള നീക്കങ്ങള് നടന്നു
മന്ത്രിസ്ഥാനത്ത് നിന്ന് ചവിട്ടി പുറത്താക്കിയതില് പ്രതിഷേധിച്ച് ആഞ്ഞടിച്ച് മാത്യു ടി തോമസ്. അപമാനിച്ച് കളങ്കിതനാക്കി ഇറക്കിവിടാന് ശ്രമിച്ചത് സ്വന്തം പാര്ട്ടിക്കാര് തന്നെയാണെന്ന് അദ്ദേഹം പറഞ്ഞു. തനിക്കെതിരെ കള്ളക്കേസുണ്ടാക്കാന് ശ്രമം നടന്നു. മാത്രമല്ല പ്രതിപക്ഷത്തേക്കാള് രൂക്ഷമായി പാര്ട്ടിക്കുള്ളില് ഇരുന്ന് വിമര്ശിക്കുകയും ചെയ്തു. തന്നെ കേസില് കുരുക്കാനുള്ള ശ്രമങ്ങള് വിഫലമായി. ഇതോടെ ഭാര്യ ഉള്പ്പെടെയുള്ളവരെ കേസിലേക്ക് വലിച്ചിഴയ്ക്കാനുള്ള നീക്കങ്ങള് നടന്നുവെന്നും അദ്ദേഹം പറഞ്ഞു. ഒരു മാധ്യമത്തിന് അനുവദിച്ച അഭിമുഖത്തിലാണ് മാത്യു ടി തോമസ് ഇക്കാര്യം പറഞ്ഞത്.
തന്നെ മന്ത്രിസ്ഥാനത്ത് നിന്നും മാറ്റാന് വേണ്ടിയുള്ള വൈകാരിക നീക്കങ്ങളായിരുന്നു ഇതെല്ലാമെന്ന് വളരെ വൈകിയാണ് മനസിലായത്. ഇതിന്റെയൊന്നും ആവശ്യം ഉണ്ടായിരുന്നില്ല, അധികാരത്തില് കടിച്ചു തൂങ്ങുന്ന വ്യക്തിയല്ല താനെന്ന് എല്ലാവര്ക്കും അറിയാവുന്ന കാര്യമാണ്. പാര്ട്ടി പിളര്ത്താനോ, മറ്റാരെയെങ്കലും ഒപ്പം ചേര്ത്ത് അധികാരം നിലനിര്ത്താനോ താനില്ല. പൊതുപ്രവര്ത്തകന് എന്ന നിലയില് സംഘടനയ്ക്ക് വഴിപ്പെടാന് തന്നെയാണ് തീരുമാനമെന്നും മാത്യു ടി തോമസ് പറയുന്നു.
പിളര്പ്പിന് ശേഷം രണ്ട് എംഎല്എമാരില് ഒതുങ്ങിയ പാര്ട്ടിയെ ഇപ്പോഴത്തെ നിലയില് എത്തിക്കാന് കഴിഞ്ഞത് ഓര്മ്മയിലുണ്ടാവണം. പാര്ട്ടിവിട്ടു പോയവരെയെല്ലാം തിരികെ കൊണ്ടു വരാന് സാധിച്ചത് അധ്യക്ഷനെന്ന നിലയില് ഉണ്ടാക്കിയ നേട്ടമാണെന്നും അദ്ദേഹം പറഞ്ഞു. ഒന്നിലും അഭിരമിച്ചിട്ടില്ല. മന്ത്രിയാവണമെന്ന് ആഗ്രഹിച്ചതുമല്ല. അതുകൊണ്ട് തന്നെ അധികാരമില്ലാതെ ജീവിക്കാനും വിഷമമില്ലെന്നും മാത്യു ടി തോമസ് അഭിമുഖത്തില് പറയുന്നു.
മാത്യു ടി. തോമസ് സ്ഥാനമൊഴിയുമ്പോള് ദള് സംസ്ഥാന പ്രസിഡന്റും ചിറ്റൂര് എംഎല്എയുമായ കെ. കൃഷ്ണന്കുട്ടിയാണ് ജലവിഭവ മന്ത്രിയാവുക. ദളില് രൂപം കൊണ്ട രൂക്ഷമായ തര്ക്കത്തിനൊടുവില് കേന്ദ്ര നേതൃത്വത്തിന്റേതാണു തീരുമാനം. തീരുമാനമെടുത്ത ചര്ച്ചയില്നിന്നു വിട്ടുനിന്ന് മാത്യു ടി. തോമസ് പ്രതിഷേധം വ്യക്തമാക്കിയെങ്കിലും പാര്ട്ടിനിര്ദേശം അംഗീകരിക്കുമെന്ന് അറിയിച്ചിരുന്നു. ദള് എംഎല്എമാരായ കൃഷ്ണന്കുട്ടിയും സി.കെ. നാണുവും ബെംഗളൂരുവില് ദേശീയ അധ്യക്ഷന് എച്ച്.ഡി. ദേവെഗൗഡയുമായി നടത്തിയ ചര്ച്ചയിലാണു പ്രഖ്യാപനമുണ്ടായത്. എല്ഡിഎഫ് സര്ക്കാര് അധികാരത്തിലേറിയപ്പോള്, രണ്ടര വര്ഷത്തിനു ശേഷം ദളിന്റെ മന്ത്രിപദം കെ. കൃഷ്ണന്കുട്ടിക്കു കൈമാറാന് ധാരണയുണ്ടായിരുന്നെന്നു ദേശീയ സെക്രട്ടറി ജനറല് ഡാനിഷ് അലി പറഞ്ഞു.
https://www.facebook.com/Malayalivartha
