ശബരിമല വിഷയവുമായി ബന്ധപ്പെട്ട് അറസ്റ്റിലായ സുരേന്ദ്രനുവേണ്ടി സംസ്ഥാന ബിജെപി നേതൃത്വം ഒരു ചെറു വിരല് പോലും അനക്കുന്നില്ലെന്ന ആക്ഷേപം നില നില്ക്കുന്ന സാഹചര്യത്തില് വിഷയത്തില് നേരിട്ടിടപെടാന് ബിജെപി കേന്ദ്ര നേതൃത്വം
ശബരിമല വിഷയവുമായി ബന്ധപ്പെട്ട് അറസ്റ്റിലായ സുരേന്ദ്രനുവേണ്ടി സംസ്ഥാന ബിജെപി നേതൃത്വം ഒരു ചെറു വിരല് പോലും അനക്കുന്നില്ലെന്ന ആക്ഷേപം നില നില്ക്കുന്ന സാഹചര്യത്തില് വിഷയത്തില് നേരിട്ടിടപെടാന് ബിജെപി കേന്ദ്ര നേതൃത്വം. ഇത് സംസ്ഥാന നേതൃത്വത്തിന്റെ വീഴ്ചയാണെന്നും അതിനാല് തന്നെ കേരളത്തിന്റെ ചുമതലയുള്ള ജനറല് സെക്രട്ടറി ബി.എല്. സന്തോഷില് നിന്ന് അമിത് ഷാ നേരിട്ട് റിപ്പോര്ട്ട് ആവശ്യപ്പെട്ടിരിക്കുകയാണ്. മാത്രമല്ല ശബരിമലവിഷയം അന്വേഷിക്കാന് നിയോഗിച്ച എം.പിമാരുടെ സംഘത്തിനും അമിത്ഷാ ഇതുസംബന്ധിച്ച നിര്ദേശം നല്കി.
ബി ജെ പി . സംസ്ഥാന ജനറല് സെക്രട്ടറി കെ. സുരേന്ദന്റെ അറസ്റ്റിനെ സംസ്ഥാന നേതൃത്വം സംസ്ഥാന നേതൃത്വ നിസംഗമായാണു കണ്ടതെന്ന പരാതിയില് ദേശീയ അധ്യക്ഷന് അമിത്ഷാ കേരളത്തില് ചുമതലയുള്ള ജനറല് സെ ക്രട്ടറി ബി.എല്. സന്തോഷില് നിന്ന് റിപ്പോര്ട്ട് തേടി. സുരേന്ദ്രന്റെ അറസ്റ്റും തുടര്ന്ന് സംസ്ഥാന നേതൃത്വത്തിന്റെ ഇടപെടലൂമായി ബന്ധപ്പെട്ട് പ്രത്യേക റിപ്പോര്ട്ട് നല്കുന്നതിനായിന് ശബരിമലവിഷയം അന്വേഷിക്കാന് നിയോഗിച്ച എം.പിമാരുടെ സംഘത്തിനും നിര്ദേശം നല്കിയിട്ടുണ്ട്.
സുരേന്ദ്രന്റെ അറസ്റ്റിനെ അവസരമായി പ്രയോജനപ്പെടുത്താമായിരുന്നിട്ടും സംസ്ഥാന ഘടകത്തിലെ വിഭാഗീയതലം സാധിച്ചില്ലെന്നാണ് കേന്ദ്ര നേതൃത്വത്തിന്റെ വിലയിരുത്തല്. സുരേന്ദ്രനെ സംസ്ഥാനമാകെ കൊണ്ടു നടന്ന് കൂടുതല് കേസുകള് ചുമത്തിയിട്ടും പ്രതിഷേധം പേരിനു മാത്രമായി . ശക്തമായ ഇടപെടലിന് അമിത്ഷാ നേരിട്ട് നിര്ദേശിച്ചിട്ടും സംസ്ഥാന നേതൃത്വം ചെവിക്കൊണ്ടില്ലെന്ന പരാതിയും കേന്ദ്രനേ തൃത്വത്തിനു മുന്നിലുണ്ട് . സുരേന്ദ്രനു ലഭിച്ചേക്കാവുന്ന പ്രാധാന്യമാണ് എതിര്പക്ഷത്ത് പിന്നോട്ടടിപ്പിച്ചതെന്നാണ് ആക്ഷേപം.
കേന്ദ്ര നേതൃത്വത്തിന്റെ താല്പ്പര്യം മറികടന്ന് സുരേന്ദ്രനെ വെട്ടി ആര്.എസ്.എസ്. പിന്തുണയോടെ പി. എസ്. ശ്രീധരന് പിള്ള സംസ്ഥാന പ്രസിഡന്റായതോടെ ഗ്രൂപ്പുകോര് മൂര്ഛിച്ചിരുന്നു, ശബരിമല വിഷയം വന്നതോടെ നേതൃത്വം ഒറ്റക്കെട്ടായെന്ന് പ്രതീതിയുണ്ടായെങ്കി ലും സുരേന്ദ്രന്റെ അററ്റോടെ പോര് കൂടുതല് രൂക്ഷമാ യെന്നാണു വിലയിരുത്തല് . സുരേന്ദ്രന്റെ അറസ്റ്റുമായി ബന്ധപ്പെട്ടു നല്കിയ നിര്ദേശങ്ങളൊന്നും സംസ്ഥാനത്തു പ്രാവര്ത്തിക മാക്കിയിട്ടില്ലെന്നും കേന്ദ്രനേതൃത്വം കരുതുന്നു . പാര്ട്ടിയെ കൂടുതല് ശക്തി പ്പെടുത്താനുള്ള അവസരം ഗ്രൂപ്പുപോര് മൂലം കളഞ്ഞുകുളിച്ചെന്ന് ആക്ഷേപമുണ്ട് . ഇക്കാര്യത്തില് ബി.എല്. സന്തോഷിന്റെയും എം.പി . സംഘത്തിന്റേയും റിപ്പോര്ട്ട് പരിഗണിച്ചാകും തുടര് നടപടി. ലോക്സഭാ തെരഞ്ഞെടുപ്പിന് ശേഷം സംസ്ഥാനത്തു നേതൃമാറ്റമുണ്ടായാല് അത്ഭുതപ്പെടാനില്ലെന്നാണു സൂചനകള് .
https://www.facebook.com/Malayalivartha
