ശബരിമലയിലും പരിസരങ്ങളിലും നിലനില്ക്കുന്ന നിരോധനാജ്ഞയുടെ കാലാവധി ഇന്ന് അവസാനിക്കും, ഈ മാസം 15 മുതലാണ് ഇലവുങ്കല് മുതല് സന്നിധാനം വരെ റോഡിലും ഉപറോഡുകളിലും കലക്ടര് നിരോധനാജ്ഞ പ്രഖ്യാപിച്ചത്
ശബരിമലയിലും പരിസരങ്ങളിലും നിലനില്ക്കുന്ന നിരോധനാജ്ഞയുടെ കാലാവധി ഇന്ന് രാത്രി യോടെ അവസാനിക്കും. പിന്വലിക്കണമെന്ന നിയമസഭയിലെ പ്രതിപക്ഷ സമ്മര്ദത്തിനിടെ, നിരോധനാജ്ഞ നീട്ടുമോ അതോ അവസാനിപ്പിക്കുമോയെന്ന് വ്യക്തതയില്ല. പ്രക്ഷോഭങ്ങള്ക്ക് പകരം സെക്രട്ടേറിയറ്റിന് മുന്നില് ഡിസംബര് മൂന്ന് മുതല് നിരാഹാര സത്യഗ്രഹം നടത്താന് ബി.ജെ.പി തീരുമാനിച്ചതിനാല് സന്നിധാനവും നിലക്കലും പമ്പയും ശാന്തമാകുമെന്ന പ്രതീക്ഷയിലാണ് പൊലീസ്.ഈ മാസം 15 മുതലാണ് ഇലവുങ്കല് മുതല് സന്നിധാനം വരെ റോഡിലും ഉപറോഡുകളിലും കലക്ടര് പി.ബി. നൂഹ് നിരോധനാജ്ഞ പ്രഖ്യാപിച്ചത്.
ഒരാഴ്ചത്തെ നിരോധനാജ്ഞ പിന്നീട് രണ്ട് തവണയായി നാലുദിവസം വീതം നീട്ടി. സന്നിധാനത്ത് കൂട്ടനാമജപം നടക്കുന്നതിനാലാണ് അവസാനമായി നിരോധനാജ്ഞ നീട്ടിയത്. മണ്ഡലമകരവിളക്ക് തീര്ഥാടനകാലം അവസാനിക്കുന്നതുവരെ നിരോധനാജ്ഞ തുടരണമെന്നായിരുന്നു എസ്.പി ടി. നാരായണന് കലക്ടര്ക്ക് നേരത്തേ റിപ്പോര്ട്ട് നല്കിയിരുന്നത്.
അതിനിടെ ശബരിമല ഡ്യൂട്ടിക്കെത്തിയ ആദ്യഘട്ട പൊലീസ് സംഘം മടങ്ങിത്തുടങ്ങി. വെള്ളിയാഴ്ച രാവിലെ എട്ടോടെ ഡ്യൂട്ടി കൈമാറ്റം പൂര്ത്തിയാകുമെന്ന് നിലക്കല് സ്പെഷല് ഓഫിസര് യതീഷ് ചന്ദ്ര പറഞ്ഞു.
https://www.facebook.com/Malayalivartha
