ദക്ഷിണേന്ത്യയില്‍ ശബരിമല വിഷയം മുഖ്യപ്രചരണായുധമാക്കി പ്രധാനമന്ത്രി മോഡി. കേരളത്തില്‍ അയ്യപ്പന്റെ പേര് പറയാന്‍ പറ്റാത്ത അവസ്ഥയാണെന്ന് പ്രധാനമന്ത്രി. കമ്മ്യുണിസ്റ്റുകാര്‍ ഭരിക്കുന്നിടത്താണ് ഈ അവസ്ഥ. ബി.ജെ.പി സ്ഥാനാര്‍ത്ഥിക്ക് ജയിലില്‍ കിടക്കേണ്ടി വന്നുവെന്നും മോഡി പറഞ്ഞു. മംഗലാപുരത്ത് നടന്ന ബി.ജെ.പി തിരഞ്ഞെടുപ്പ് റാലിയില്‍ സംസാരിക്കുകയായിരുന്നു പ്രധാനമന്ത്രി.

ഇന്നലെ കോഴിക്കോട് നടന്ന റാലിയില്‍ ശബരിമലയുടെ പേര് പോലും പ്രധാനമന്ത്രി പരാമര്‍ശിച്ചിരുന്നില്ല. എന്നാല്‍ കേരളത്തിന് പുറത്ത്, പ്രത്യേകിച്ച് ദക്ഷിന്ത്യേ കേന്ദ്രീകരിച്ച് ശബരിമല വിഷയം മുഖ്യ വിഷയമാക്കുകയാണ് ബി.ജെ.പി. നേരത്തെ തമിഴ്‌നാട്ടിലെ തേനിയില്‍ നടന്ന തിരഞ്ഞെടുപ്പ് റാലിയിലും പ്രധാനമന്ത്രി ശബരിമല വിഷയം ഉന്നയിച്ചിരുന്നു. കോണ്‍ഗ്രസും മുസ്ലീം ലീഗും ശബരിമലയെ വച്ച് അപകടകരമായി കളിക്കുകയാണെന്ന് തേനിയില്‍ നടന്ന റാലയില്‍ മോഡി ആരോപിച്ചു. 

വിശ്വാസങ്ങളെയും ആചാരങ്ങളെയും തകര്‍ക്കാനുള്ള അപകടകരമായ നീക്കമാണ് നടന്നതെന്നും മോഡി തേനി റാലിയില്‍ ആരോപിച്ചു. വിശ്വാസങ്ങളെയും ആചാരങ്ങളെയും തകര്‍ക്കാനുള്ള അപകടകരമായ നീക്കമാണ് നടക്കുന്നത്. കേരളത്തില്‍ ബി.ജെ.പി ഉള്ളടത്തോളം അത് നടക്കില്ലെന്ന് മോഡി പറഞ്ഞു. ശബരിമല വിഷയത്തില്‍ കോണ്‍ഗ്രസ്, കമ്മ്യൂണിസ്റ്റ് പാര്‍ട്ടികള്‍ക്കൊപ്പം മുസ്ലീം ലീഗിനെ കൂടി ചേര്‍ത്തുവയ്ക്കുന്നതിലൂടെ ഹൈന്ദവ ഏകീകരണമാണ് മോഡി ലക്ഷ്യം വയ്ക്കുന്നത്.

ഇന്നലെ കോഴിക്കോട് നടന്ന എന്‍.ഡി.എ തിരഞ്ഞെടുപ്പ് റാലിയിയിലും പ്രധാനമന്ത്രി ശബരിമല വിഷയം ഉന്നയിച്ചിരുന്നു. ആചാരാനുഷ്ടാനങ്ങള്‍ സംരക്ഷിക്കാന്‍ ബി.ജെ.പി ഒപ്പമുണ്ടാകുമെന്ന് പ്രധാനമന്ത്രി പറഞ്ഞു. വിശ്വാസം തകര്‍ക്കുന്ന നടപടിയോട് യോജിക്കാനാവില്ല. സുപ്രീം കോടതി വിധിയുടെ പേരില്‍ പാരമ്പര്യ വിശ്വാസങ്ങളെ തകര്‍ക്കുന്ന നയത്തിനോട് യോജിപ്പില്ലെന്നും പ്രധാനമന്ത്രി ഇന്നലെ കോഴിക്കോട് റാലിയില്‍ പറഞ്ഞു. എന്നാല്‍ ശബരിമല എന്ന് പരാമര്‍ശിക്കാതെയായിരുന്നു പ്രധാനമന്ത്രിയുടെ കോഴിക്കോട് പ്രസംഗം.