മുഖ്യമന്ത്രി പിണറായി വിജയന് വീണ്ടും ചുവടുകൾ പിഴയ്ക്കുന്നു; കണക്കുകൂട്ടലുകള് പിഴച്ചു എന്നാണോ പിണറായിയുടെ മാറിയ ഭാവം സൂചിപ്പിക്കുന്നത്; മാധ്യമപ്രവർത്തകർക്കെതിരായ മുഖ്യമന്ത്രിയുടെ പ്രതികരണം സോഷ്യൽ മീഡിയയിൽ ചർച്ചയാകുന്നു
മുഖ്യമന്ത്രി പിണറായി വിജയന് വീണ്ടും ചുവടുകൾ പിഴയ്ക്കുന്നു. കടക്ക് പുറത്തു ,മാറിനിൽക്ക് അങ്ങോട്ട് എന്നീ പദങ്ങൾ ഇന്ന് സോഷ്യൽ മീഡിയയിൽ ട്രോളുകളായി നിറയുമ്പോൾ മുഖ്യമന്ത്രിയുടെ ധാർഷ്ട്യത്തിന് വലിയവിലകൊടുക്കേണ്ടിവരുമെന്ന് രാഷ്രീയ കേരളം അഭിപ്രായപ്പെടുന്നു. എന്നാൽ പരാജയ ഭീതി തീർക്കേണ്ടത് മാധ്യമങ്ങളോടോ എന്ന ചോദ്യവും ഉയരുന്നു. ചങ്കുറപ്പുള്ള ഭരണാധികാരിയായ പിണറായിയെ കേരളത്തിലെ ജനങ്ങൾ ഇഷ്ട്ടപ്പെട്ടിരുന്നു എന്നാൽ ഇന്നത്തെ മുഖ്യമന്ത്രിയുടെ മാധ്യമങ്ങളോടുള്ള പ്രതികരണം കേരളത്തെ ഞെട്ടിച്ചിരിക്കുകയാണ്. മുൻപൊരിക്കൽ മുഖ്യമന്ത്രിയുടെ ഇത്തരം ഒരു പ്രതികരണം കേരളം ചർച്ചചെയ്തതാണ് .അന്ന് നേരിട്ട വിമർശനങ്ങളിൽ നിന്നും നമ്മുടെ മുഖ്യൻ പാഠം പഠിച്ചില്ലെന്ന് പറയുന്നു സോഷ്യൽ മീഡിയ.
കഴിഞ്ഞ ഉമ്മൻചാണ്ടി സർക്കാരിനെ അഴിമതിയും സോളാറുമാണ് താഴെയിറക്കിയതെങ്കിൽ പിണറായി സർക്കാരിന്റെ ധാർഷ്ട്യം , കാർക്കശ്യം ഇവയെല്ലാം തിരഞ്ഞെടുപ്പിൽ പ്രതിഫലിക്കുമെന്ന് അഭിപ്രായയപ്പെടുന്നു രാഷ്ട്രീയ നിരീക്ഷകർ.
സംസ്ഥാനത്തെ ഉയർന്ന പോളിങ്ങിനെ കുറിച്ച് ചോദിച്ച മാധ്യമപ്രവർത്തകരോടായിരുന്നു മുഖ്യമന്ത്രി പിണറായി വിജയൻ ആക്രോശം . ഉയർന്ന പോളിങ്ങിൻറെ സൂചന വ്യക്തമായി മനസിലാക്കിയതു കൊണ്ടാണ് പിണറായി ക്ഷോഭിച്ചതെന്ന് കോൺഗ്രസ് നേതാവ് വി.ഡി.സതീശൻ വിമർശിച്ചു. മുഖ്യമന്ത്രി മർക്കടമുഷ്ടി വെടിയണമെന്ന് എ.കെ.ആൻറണി ആവശ്യപ്പെട്ടു. കേരളത്തിലെ ഉയർന്ന പോളിങ്ങിനെ കുറിച്ച് തിരഞ്ഞെടുപ്പ് പിറ്റേന്ന് ചോദിച്ചപ്പോഴായിരുന്നു പിണറായി വിജയൻറെ ക്ഷുഭിത പ്രതികരണം. നല്ല രാഷ്ട്രീയക്കാരനായ പിണറായിക്ക് പോളിങ് ശതമാനം ഉയര്ന്നതിന്റെ സൂചന മനസിലായതുകൊണ്ടാണ് മാധ്യമപ്രവർത്തകരോട് ക്ഷോഭിച്ചതെന്ന് കോൺഗ്രസ് നേതാവ് വിഡി സതീശൻ പരിഹസിച്ചു. തിരഞ്ഞെടുപ്പിനായി മിനുക്കിയെടുത്ത മുഖം മുഖ്യമന്ത്രി ഉപേക്ഷിച്ചെന്നും യഥാർഥ മുഖം വെളിവായെന്നും വിഡി സതീശൻ പറഞ്ഞു. നല്ല ഭരണം നടത്താനുള്ള അടി ഈ തിരഞ്ഞെടുപ്പിൽ ജനം പിണറായി വിജയന് നൽകുമെന്ന് കോൺഗ്രസ് നേതാവ് എ.കെ.ആൻറണി പറഞ്ഞു.
ശബരിമല സ്ത്രീ പ്രവേശന വിഷയത്തില് ഇടത് സര്ക്കാര് നിലപാടിന്റെ വിലയിരുത്തല് കൂടിയാവും ഇത്തവണത്തെ ലോക്സഭാ തിരഞ്ഞെടുപ്പ് ഫലം എന്നാണ് കരുതപ്പെടുന്നത്. ഉയര്ന്ന പോളിംഗ് ശതമാനത്തില് ഇടത് മുന്നണിക്ക് ഒരേസമയം പ്രതീക്ഷയും ആശങ്കയും ഉണ്ട്.
സിപിഎം കണക്കുകള് കൂട്ടിയും കിഴിച്ചുമിരിക്കുകയാണ്. കണ്ണൂരിലെത്തി വോട്ട് ചെയ്ത ശേഷം ചിരിയോടെയും ആത്മവിശ്വാസത്തോടെയുമാണ് മുഖ്യമന്ത്രി പിണറായി വിജയന് പുറത്തേക്ക് വന്നത്. എന്നാല് പോളിംഗ് കഴിഞ്ഞ് ഇന്ന് രാവിലെ കണ്ട പിണറായി കട്ടക്കലിപ്പില് ആയിരുന്നു. കണക്കുകൂട്ടലുകള് പിഴച്ചു എന്നാണോ പിണറായിയുടെ മാറിയ ഭാവം സൂചിപ്പിക്കുന്നത് എന്നാണ് സോഷ്യല് മീഡിയ ഉയര്ത്തുന്ന ചോദ്യം.
https://www.facebook.com/Malayalivartha
