കല്ലട ബസില് യാത്രക്കാരെ മര്ദിച്ച സംഭവത്തില് ബസ് ഉടമ സുരേഷ് കല്ലട ചോദ്യം ചെയ്യലിനായി ഇന്ന് ഹാജരായേക്കും... ഇന്ന് ഹാജരായില്ലെങ്കില് കൂടുതല് നിയമ നടപടികളിലേക്ക് നീങ്ങാനാണ് പൊലീസിന്റെ ആലോചന
കല്ലട ബസില് യാത്രക്കാരെ മര്ദിച്ച സംഭവത്തില് ബസ് ഉടമ സുരേഷ് കല്ലട ചോദ്യം ചെയ്യലിനായി ഇന്ന് ഹാജരായേക്കും. അന്വേഷണ ഉദ്യോഗസ്ഥനായ മരട് സിഐയുടെ ഓഫീസില് ഹാജരാകാനാണ് നോട്ടീസ് നല്കിയിരുന്നത്. എന്നാല്, അന്വേഷണം തൃക്കാക്കര അസിസ്റ്റന്റ് കമ്മീഷണര് ഏറ്റെടുത്തതിനാല് അദ്ദേഹത്തിന് മുന്നില് ഹാജരാകാനാണ് സാധ്യത. ഇന്നലെ ഹാജരാകും എന്ന് കരുതിയിരുന്നെങ്കിലും സുരേഷ് കല്ലട എത്തിയില്ല. ഇന്ന് കൂടി ഹാജരായില്ലെങ്കില് കൂടുതല് നിയമ നടപടികളിലേക്ക് നീങ്ങാനാണ് പൊലീസിന്റെ ആലോചന. മൊഴി രേഖപ്പെടുത്തിയ ശേഷം സംഭവത്തില് സുരേഷ് കല്ലടക്കും പങ്കുണ്ടോ എന്ന് പരിശോധിക്കാനാണ് നീക്കം. ഇതിന് സഹകരിക്കാത്ത പക്ഷം ഇയാള്ക്കെതിരെ കോടതിയെ സമീപിക്കാനാണ് തീരുമാനം. റിമാന്ഡിലായ പ്രതികളെ കസ്റ്റഡിയില് വാങ്ങി കൂടുതല് ചോദ്യം ചെയ്യാനുള്ള നടപടികളും പൊലീസ് തുടങ്ങി.
അതിനിടെ കല്ലട ബസ് സര്വീസിനെതിരെ പരാതി പറഞ്ഞ അധ്യാപിക മായ മാധവന് ഫേസ്ബുക്കില് ഭീഷണി സന്ദേശം ലഭിച്ചു. നിരഞ്ജന് രാജു കുരിയന് എന്ന പേരിലുള്ള ഫേസ്ബുക്ക് അക്കൗണ്ടിലാണ് ഭീഷണിയുണ്ടായത്.ഒരു സ്വകാര്യ ചാനലിന്റെ ചര്ച്ചയില് അനുഭവം പങ്കുവച്ചതിന് പിന്നാലെയായിരുന്നു ഭീഷണി.ഇതിനെതിരെ മായാ മാധവന് പൊലീസില് പരാതി നല്കി.
https://www.facebook.com/Malayalivartha
