റമ്പൂട്ടാന്റെ കുരു തൊണ്ടയില്‍ കുടുങ്ങി പിഞ്ചു കുഞ്ഞ് മരിച്ചു. പാണാവള്ളി പഞ്ചായത്തില്‍ ആറാം വാര്‍ഡില്‍ ആനന്ദശേരി വീട്ടില്‍ വിപിന്‍ലാലിന്റെയും(വിഷ്ണു) കൃഷ്ണമോളുടെയും മകന്‍ ആഷ്മീന്‍ വിഷ്ണു (ഒന്പതു മാസം)ആണ് മരിച്ചത്. കളിച്ചു കൊണ്ടിരുന്നപ്പോള്‍ അബദ്ധവശാല്‍ റന്പൂട്ടാന്റെ കുരു തൊണ്ടയില്‍ കുടുങ്ങുകയായിരുന്നു.
കുരു കുടുങ്ങിയതോടെ കുട്ടിക്കു ശ്വാസതടസം നേരിട്ടപ്പോള്‍ വീട്ടുകാര്‍ ബഹളം വച്ചതിനെത്തുടര്‍ന്നു സമീപമുള്ള ബന്ധുക്കളും അയല്‍വാസികളും ഓടിയെത്തി.

പെട്ടെന്ന് തന്നെ പൂച്ചാക്കല്‍ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.