ജമ്മു കാഷ്മീരിന് പ്രത്യേക പദവി നൽകിയിരുന്ന ഭരണഘടനയുടെ 370-ാം അനുച്ഛേദം എടുത്തുകളയുവാനുള്ള മോദി സർക്കാരിന്‍റെ തീരുമാനത്തെ പിന്തുണച്ച് കോണ്‍ഗ്രസ് നേതാവ് ജനാർദനൻ ദ്വിവേദി. ചരിത്രത്തിലെ ഒരു മണ്ടത്തരം ഇന്നു തിരുത്തപ്പെട്ടെന്നായിരുന്നു അദ്ദേഹത്തിന്‍റെ പരാമർശം. എന്‍റെ ഗുരുവായ രാം മനോഹർ ലോഹ്യ കാഷ്മീരിന് പ്രത്യേക പദവി നൽകുന്ന ആർട്ടിക്കിൾ 370-ന് എതിരായിരുന്നു. ഞങ്ങളോട് അദ്ദേഹം ഇതിനെകുറിച്ച് സംസാരിച്ചു. എന്‍റെ വ്യക്തിപരമായ കാഴ്ചപ്പാടിൽ ഇത് ദേശീയ താത്പര്യന് അനുകൂലമാണ്. സ്വാതന്ത്ര്യത്തിനുശേഷം സംഭവിച്ച ഒരു മണ്ടത്തരം തിരുത്തപ്പെട്ടിരിക്കുന്നു, വളരെ വൈകിയെങ്കിലും- ദ്വിവേദി പറഞ്ഞു. പാർട്ടിയുടെ പേരിലല്ല താൻ സംസാരിക്കുന്നതെന്നും അദ്ദേഹം വ്യക്തമാക്കി.

ഒപ്പം നിക്കണോ അതോ എതിർക്കണോ? അക്ഷരാർത്ഥത്തിൽ കോൺഗ്രസിനെ വെട്ടിലാക്കിയിരിക്കുകയാണ് മോദി. കാശ്മീർ വിഷയത്തിൽ മോദിയെ എതിർത്താൽ ഭൂരിപക്ഷം എങ്ങനെ ചിന്തിക്കും?. പിന്തുണച്ചില്ലെങ്കിൽ നേതാക്കൾ ഇപ്പേരിൽ കൊഴിഞ്ഞു പോകുമോ എന്നാണ് ആശങ്ക.

ആർട്ടിക്കിൾ 370 റദ്ദാക്കിക്കൊണ്ടുള്ള കേന്ദ്രതീരുമാനത്തെ ചൊല്ലി കോണ്‍ഗ്രസിൽ ഭിന്നത തുടരുകയാണെന്നാണു സൂചന. കോണ്‍ഗ്രസ് നിലപാട് ആത്മഹത്യാപരമാണെന്ന് അഭിപ്രായപ്പെട്ട് മുതിർന്ന നേതാവും രാജ്യസഭാ വിപ്പുമായ ഭുവനേശ്വർ കാലിത രാജിവച്ചതിന് പിന്നാലെയാണ് മുതിർന്ന നേതാവിന്റെ പ്രതികരണം. വിഷയത്തിൽ രാഹുൽ ഗാന്ധിയും പ്രിയങ്ക ഗാന്ധിയും ഇതേവരെ നിലപാട് വ്യക്തമാക്കിയിട്ടില്ല.

ജമ്മു കാഷ്മീരിന് പ്രത്യേകപദവി നൽകിയിരുന്ന ആർട്ടിക്കിൾ 370 റദ്ദാക്കിക്കൊണ്ടുള്ള കേന്ദ്രതീരുമാനത്തെ ചൊല്ലി മുതിർന്ന നേതാവും രാജ്യസഭാ വിപ്പുമായ ഭുവനേശ്വർ കാലിത രാജിവച്ചിരുന്നു. കോണ്‍ഗ്രസ് നിലപാട് ആത്മഹത്യാപരമാണെന്നാണ് അദ്ദേഹം പറഞ്ഞത്. നിയമനിർമാണ ബിൽ രാജ്യസഭയിൽ ആഭ്യന്തരമന്ത്രി അമിത് ഷാ അവതരിപ്പിച്ചപ്പോൾ എതിർത്തു വിപ്പ് നൽകാൻ പാർട്ടി തന്നോട് ആവശ്യപ്പെട്ടിരുന്നെന്നും എന്നാൽ വിപ്പ് നൽകുന്നത് രാജ്യതാത്പര്യത്തിന് വിരുദ്ധമാണെന്നും രാജി പ്രഖ്യാപിച്ചുകൊണ്ട് ഭുവനേശ്വർ കാലിത പറഞ്ഞു. പാർട്ടി നേതൃത്വം കോണ്‍ഗ്രസിനെ നശിപ്പിക്കുയാണെന്നും പാർട്ടിയെ നാശത്തിൽനിന്നു തടയാൻ ആർക്കും കഴിയില്ലെന്നും അദ്ദേഹം പറഞ്ഞു.