സര്ക്കാര് ജീവനക്കാരും പെന്ഷന്കാരും ഉള്പ്പെടെയുള്ള ട്രഷറി സേവിംഗ്സ് അക്കൗണ്ട് ഉടമകള്ക്ക് ട്രഷറിയില് നിന്നും പണം പിന്വലിക്കാന് എടിഎം കാര്ഡ്
ട്രഷറി അക്കൗണ്ട് ഉടമകള്ക്ക് സര്ക്കാര് എടിഎം കാര്ഡ് വിതരണം ചെയ്യും. സര്ക്കാര് ജീവനക്കാരും പെന്ഷന്കാരും ഉള്പ്പെടെയുള്ള ട്രഷറി സേവിംഗ്സ് അക്കൗണ്ട് ഉടമകള്ക്കാണ് എടിഎം കാര്ഡ് നല്കുന്നത്. ഇതു സംബന്ധിച്ചു ധനവകുപ്പ് ഉത്തരവിറക്കി. സംസ്ഥാനത്ത് 11 ലക്ഷം പേര്ക്കാണ് നിലവില് ട്രഷറി സേവിംഗ്സ് അക്കൗണ്ടുള്ളത്. ഫെഡറല് ബാങ്കുമായി ചേര്ന്നാണ് എടിഎം കാര്ഡ് നല്കുക. രണ്ടു മാസത്തിനുള്ളില് വിതരണം പൂര്ത്തിയാക്കാനാണു സര്ക്കാര് പദ്ധതി. ഇതോടെ ട്രഷറി ശാഖകളില് നേരിട്ടെത്തിയാലേ പണമെടുക്കാന് കഴിയൂ എന്ന തടസം നീങ്ങും.
ടിഎസ്ബി, ഫെഡറല് ബാങ്ക് എന്നീ പേരുകള് രേഖപ്പെടുത്തിയ കോ ബ്രാന്ഡഡ് കാര്ഡാണ് വിതരണം ചെയ്യുക. ബാങ്ക് എടിഎം കാര്ഡിലെ എല്ലാ സൗകര്യങ്ങളും ഇതിലും ലഭ്യമാകും. ഏതു ബാങ്കിന്റെ എടിഎമ്മില്നിന്നും കാര്ഡ് ഉപയോഗിച്ചു പണമെടുക്കാം. ബാങ്കുകളിലെ സേവിംഗ്സ് അക്കൗണ്ട് നിക്ഷേപങ്ങള്ക്ക് ശരാശരി നാലു ശതമാനമാണ് പലിശനിരക്ക്. ജീവനക്കാരുടെ ട്രഷറി സേവിംഗ്സ് നിക്ഷേപത്തിന് ആറു ശതമാനം പലിശ ലഭിക്കുന്നുണ്ട്.
https://www.facebook.com/Malayalivartha
