മുഖ്യമന്ത്രിക്ക് വയനാട് എം.പിയുടെ കത്ത്... പ്രളയത്തില് നഷ്ടപ്പെട്ട രേഖകള് കിട്ടാന് ഏകജാലകസംവിധാനം ഒരുക്കണം
പ്രളയത്തില് നഷ്ടപ്പെട്ട രേഖകള് കിട്ടാന് ഏകജാലകസംവിധാനം ഒരുക്കണമെന്ന് ആവശ്യപ്പെട്ട് വയനാട് എം.പി രാഹുല് ഗാന്ധി മുഖ്യമന്ത്രിക്ക് കത്ത് നല്കി. രേഖകള് നഷ്ടമായവര് അവ സംഘടിപ്പിക്കുന്നതിനായി വിവിധ ഓഫീസുകളില് കയറി ഇറങ്ങേണ്ടി വരുന്നത് ഒഴിവാക്കാണം.
തന്റെ മണ്ഡലത്തില്പെട്ട നിരവധി പേര്ക്ക് റേഷന് കാര്ഡുകള്, ആധാര് കാര്ഡുകള്, സ്കൂള്/കോളജ് സര്ട്ടിഫിക്കറ്റുകള്, വിവാഹ സര്ട്ടിഫിക്കറ്റുകള്, ജനനമരണ സര്ട്ടിഫിക്കറ്റുകള്, നികുതി ശീട്ടുകള്, പാന് കാര്ഡുകള് തുടങ്ങി സുപ്രധാന രേഖകള് നഷ്ടമായിട്ടുണ്ട്. നഷ്ടപ്പെട്ട രേഖകള് സംഘടിപ്പിക്കാന് അപേക്ഷ നല്കുന്നതിനായി അവര് വിവിധ ഓഫീസുകള് കയറി ഇറങ്ങാന് നിര്ബന്ധിതമായിരിക്കുന്നു.
പ്രളയ ബാധിതര് വിവിധ ഓഫീസുകളെ സമീപിക്കുന്നതിന് പകരം നഷ്ടപ്പെട്ട മുഴുവന് രേഖകളുടേയും വിവരങ്ങളടങ്ങിയ അപേക്ഷ സ്വീകരിക്കാന് കലക്ടറേറ്റില് ഒരു നോഡല് ഓഫീസറെ നിയമിക്കണം. ഈ നോഡല് ഓഫീസര് ബന്ധപ്പെട്ട വകുപ്പുകളെ ഏകോപിപ്പിച്ച് നഷ്ടപ്പെട്ട രേഖകളുടെ പകര്പ്പ് ശേഖരിച്ച് അപേക്ഷകരുടെ വീട്ടില് എത്തിച്ചു നല്കട്ടേയെന്നും രാഹുല് നിര്ദേശിച്ചു.
https://www.facebook.com/Malayalivartha