സച്ചിൻ തെൻഡുൽക്കറിന് താൻ വരച്ച അദ്ദേഹത്തിന്റെ ചിത്രം കൈ മാറാനായതിന്റെ സന്തോഷത്തിലാണ് പ്രണവ്. സച്ചിനൊപ്പം സെൽഫിയെടുക്കുകയും ചെയ്തതോടെ പ്രണവ് ആഹ്ലാദത്തിലായി. ഇരുവരും സെൽഫി എടുത്തപ്പോൾ മന്ത്രി തോമസ് ഐസക്കും സെൽഫിയെടുക്കാൻ കൂടെക്കൂടി. പാലക്കാട് ആലത്തൂർ കാട്ടുശേരി സ്വദേശി പ്രണവിന് (21) ജന്മനാ കൈകളില്ല . പ്രണവ് കാലുകൾ കൊണ്ടാണു ചിത്രം വരയ്ക്കുകയും മാത്രമല്ല എല്ലാ കാര്യങ്ങളും ചെയ്യുന്നത്. അങ്ങനെ കാൽ കൊണ്ടു വരച്ച അക്രിലിക് ചിത്രമാണു സച്ചിനു നൽകിയത്.

കൂടാതെ കാലുയർത്തി സച്ചിനുമായി സെൽഫിയുമെടുത്തു. സച്ചിൻ സിബിഎൽ ഉദ്ഘാടന വേദിയിൽ പ്രണവ് വരച്ച തന്റെ ചിത്രം ഉയർത്തിക്കാട്ടിയപ്പോൾ പതിനായിരക്കണക്കിനു കാണികളാണ് ആരവം മുഴക്കിയത്. ജീവിതത്തിൽ ഏറെ അനുഗ്രഹത്തോടെ മുന്നോട്ട് പോകാ‍ൻ കഴിയട്ടെ എന്ന് ആശംസിച്ചാണു സച്ചിൻ പ്രണവിനോടു യാത്ര പറഞ്ഞത് ഇറങ്ങിയത്. അച്ഛൻ ബാലസുബ്രഹ്ണ്യവും അമ്മ സ്വർണകുമാരിയും സഹോദരൻ പ്രവീണും കൂടെയുണ്ടായിരുന്നു. മന്ത്രി തോമസ് ഐസക്കിന്റെ ഓഫിസുമായി ബന്ധപ്പെട്ടതോടെയാണ് പ്രണവിന് സച്ചിൻ വിശ്രമിച്ച റിസോർട്ടിലെത്തി അദ്ദേഹത്തെ കാണാൻ സാധിച്ചത്.