കടകൾ ഉപഭോക്താക്കൾക്കായി വാഗ്ദാനങ്ങളൾ നൽകുക പതിവാണ്. അതും ഓണം പോലുള്ള ആഘോഷങ്ങൾ നടക്കുന്ന സമയം. ഇവിടെ ഇതാ വ്യത്യസ്തമായൊരു വാഗ്ദാനം നടത്തിയിരിക്കുന്നയാണ് കോഴിക്കോടുള്ള ഒരു കട. കോഴിക്കോട് പുതിയങ്ങാടിയില്‍ ഈ ഓണത്തിന് നല്‍കുന്നത് തികച്ചും വ്യത്യസ്തമായ ഓഫറാണ്. ഒരു കിലോ കോഴി ഇറച്ചി വാങ്ങുന്നവർക്ക് കോളി ഫ്‌ളവര്‍, എളവന്‍, മത്തന്‍, പച്ചമുളക്, കാബേജ് തുടങ്ങി 5 ഇനങ്ങള്‍ സൗജന്യമായി കൊടുക്കുന്നു.

പുതിയങ്ങാടിയിലെ സിപിആര്‍ ചിക്കന്‍ സെന്ററില്‍ നിന്നും ഇറച്ചി വാങ്ങുന്നവർക്കാണ് ഈ ഓഫര്‍ കിട്ടുന്നത്. ഓഫര്‍ പ്രഖ്യാപിച്ചതോടെ കടയില്‍ ഇറച്ചി വാങ്ങാനെത്തുന്നവരുടെ എണ്ണം വര്‍ധിച്ചതായി കടയുടമ പറഞ്ഞു. വരും ദിവസങ്ങില്‍ കൂടുതല്‍ വ്യാപാരികള്‍ പുതിയ ഓഫറുകൾ അവതരിപ്പിക്കാൻ തുടങ്ങുന്നതോടെ ഓണക്കച്ചവടം ഗംഭീരമാകും. മലബാറിലെ ഓണസദ്യയ്ക്ക് മാംസവും സ്ഥാനം പിടിക്കാറുണ്ട്. അതു കൊണ്ടു കൂടിയാണ് വ്യത്യസ്ത ഓഫറുമായി ഇറച്ചി വ്യാപാരികൾ ഇത്തരത്തിലെ ഓഫർ പ്രഖ്യാപിച്ച് ഓണക്കച്ചവടം കൊഴുപ്പിക്കുവാൻ നോക്കുന്നത്.