ഇന്ന് മുതല് ആറാം തീയതി വരെ കേരളത്തില് ചില ജില്ലകളില് ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ നിരീക്ഷണകേന്ദ്രം
കേരളത്തില് ചില ജില്ലകളില് ശക്തമായ മഴയ്ക്ക് സാധ്യതയെന്ന് കേന്ദ്രകാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കി. കേന്ദ്രം മഞ്ഞ അലര്ട്ട് പ്രഖ്യാപിച്ചിട്ടുള്ള ജില്ലകളില് ഇന്ന് മുതല് ആറാം തീയതി വരെ മഴ പെയ്യും. ഇന്ന് ഇടുക്കി,തൃശ്ശൂര്,പാലക്കാട്,മലപ്പുറം,കോഴിക്കോട് , കണ്ണൂര്,കാസറഗോഡ് ജില്ലകളിലും നാളെ എറണാകുളം, ഇടുക്കി,തൃശ്ശൂര്,പാലക്കാട്, മലപ്പുറം,കോഴിക്കോട് ,കണ്ണൂര്, കാസര്ഗോഡ് എന്നിവിടങ്ങളിലും മറ്റന്നാള് കൊല്ലം,ആലപ്പുഴ, എറണാകുളം, ഇടുക്കി, മലപ്പുറം,കോഴിക്കോട് കണ്ണൂര്, കാസര്ഗോഡ് ജില്ലകളിലും വ്യാഴാഴ്ച കോഴിക്കോടും കണ്ണൂരും വെള്ളിയാഴ്ച കോഴിക്കോട് , കണ്ണൂര്, കാസര്കഡ് ജില്ലകളിലും ഒറ്റപ്പെട്ട ശക്തമാ മഴയ്ക്ക് സാധ്യതയുണ്ട്. പൊതുജനങ്ങള് ജാഗ്രത പാലിക്കണം. ജില്ലയിലെ കട്രോള് റൂം അധികൃതര് താലൂക്ക് അടിസ്ഥാനത്തില് മഴയുടെ സാഹചര്യം നിരന്തരമായി വിലയിരുത്തുമെന്നും മുന്നറിയിപ്പില് പറയുന്നു.
കടലില് പോകുന്നവര് തെക്ക് പടിഞ്ഞാറ്, മധ്യ പടിഞ്ഞാറ് അറബിക്കടല് ഭാഗത്ത് മത്സ്യബന്ധനത്തിന് പോകരുതെന്നും നിര്ദ്ദേശമുണ്ട്. ഇവിങ്ങളില് ഇന്ന് മുതല് ഈമാസം ആറാം തീയതി വരെ തെക്ക് പടിഞ്ഞാറ് ദിശയില് നിന്ന് മണിക്കൂറില് 45 മുതല് 55 കിലോമീറ്റര് വരെ വേഗതയില് ശക്തമായ കാറ്റ് വീശാന് സാധ്യതയുണ്ട്.
നാളെ തെക്ക് പടിഞ്ഞാറ് ദിശയില് നിന്ന് മണിക്കൂറില് 45 മുതല് 55 കിലോമീറ്റര് വരെ വേഗതയില് ശക്തമായ കാറ്റ് വീശാന് ലക്ഷദ്വീപ് പ്രദേശത്ത് സാധ്യതയുണ്ട്. അതിനാല് ഈ പ്രദേശങ്ങളില് കടലില് പോകരുത്. കേരള തീരത്ത് മല്സ്യബന്ധനത്തിന് പോകുന്നതില് തടസ്സമില്ലെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
https://www.facebook.com/Malayalivartha
