പിണറായിക്ക് ഈ മഡ്ഗുണനെ എവിടെനിന്ന് കിട്ടി; സകല സിപിഎം നേതാക്കളുടെ മുന്നിലും നടുവളച്ച് നില്ക്കുന്നവനാണ് ബഹ്റ; ഡിജിപി ലോക്നാഥ് ബെഹ്റയ്ക്കെതിരെ രൂക്ഷവിമര്ശനവുമായി കോണ്ഗ്രസ് എംപി കെ മുരളീധരന്
പിണറായിക്ക് ഈ മഡ്ഗുണനെ എവിടെനിന്ന് കിട്ടി; സകല സിപിഎം നേതാക്കളുടെ മുന്നിലും നടുവളച്ച് നില്ക്കുന്നവനാണ് ബഹ്റ; ഡിജിപി ലോക്നാഥ് ബെഹ്റയ്ക്കെതിരെ രൂക്ഷവിമര്ശനവുമായി കോണ്ഗ്രസ് എംപി കെ മുരളീധരന്
ഡിജിപി ലോക്നാഥ് ബെഹ്റയ്ക്കെതിരെ രൂക്ഷവിമര്ശനവുമായി കോണ്ഗ്രസ് എംപി കെ മുരളീധരന്. മാനമില്ലാത്ത ബഹ്റയാണ് കെപിസിസി പ്രസിഡന്റ് മുല്ലപ്പള്ളി രാമചന്ദ്രനെതിരെ മാനനഷ്ടത്തിന് കേസ് കൊടുത്തത് എന്ന് മുരളീധരൻ ആഞ്ഞടിച്ചു. എവിടെനിന്നാണ് ഈ മഡ്ഗുണനെ പിണറായിക്ക് ഡിജിപിയായി കിട്ടിയതെന്നും മുരളീധരന് ചോദിച്ചു. യുഡിഎഫിന്റെ രാപ്പകല് സമരവേദിയില് സംസാരിക്കുകവെയായിരുന്നു ബെഹ്റക്കെതിരെ രൂക്ഷ ഭാഷയിൽ മുരളിധരൻ പ്രതികരിച്ചത്.
സകല സിപിഎം നേതാക്കളുടെ മുന്നിലും നടുവളച്ച് നില്ക്കുന്നവനാണ് ബഹ്റഎന്നും മുരളീധരൻ ആരോപിച്ചു. മുല്ലപ്പള്ളിക്കെതിരെ മാത്രമല്ല ബഹ്റ കേസെടുക്കേണ്ടതെന്നും തനിക്കെതിരെയും കേസെടുക്കണമെന്നും മുരളി പറഞ്ഞു. മുഖ്യമന്ത്രിയുടെ ദുരിതാശ്വാസനിധിയിലേക്ക് പണം നല്കരുതെന്ന് ആദ്യം പറഞ്ഞത് താനാണ് എന്നും മുരളീധരൻ സമ്മതിച്ചു. അദ്യപ്രളയകാലത്ത് സഹായമായി ലഭിച്ച തുക അടിച്ചുമാറ്റിയതുകൊണ്ടാണ് രണ്ടാം പ്രളയകാലത്ത് സഹായം കുറഞ്ഞത്. അല്ലാതെ ജനങ്ങളുടെ സ്നേഹം കുറഞ്ഞതല്ലെന്നും മുരളിധരൻ പറഞ്ഞു.
ഡിജിപി സിപിഎം ബ്രാഞ്ച് സെക്രട്ടറിയെപ്പോലെ പ്രവര്ത്തിക്കുന്നെന്ന പ്രസ്താവനയെ തുടർന്നാണ് മുല്ലപ്പള്ളി രാമചന്ദ്രനെതിരെ മാനനഷ്ടക്കേസ് നല്കാന് ആഭ്യന്തര വകുപ്പ് ഡിജിപി ലോക്നാഥ് ബെഹ്റയ്ക്ക് അനുമതി നല്കിയത്. പോസ്റ്റൽ ബാലറ്റ് ഉപയോഗിക്കുന്ന പൊലീസുകാരുടെ വിവരങ്ങൾ ശേഖരിക്കാൻ ആവശ്യപ്പെടുന്ന സർക്കുലറിന്റെ പേരിലാണു മുല്ലപ്പള്ളി ഡിജിപിയെ വിമർശിച്ചത്.
https://www.facebook.com/Malayalivartha
