ഗവര്ണര് പി.സദാശിവത്തിന് രാജ്ഭവനില് ഊഷ്മള യാത്രയയപ്പ്; ശബരിമല വിഷയത്തെക്കുറിച്ചും പ്രളയത്തെക്കുറിച്ചും പറഞ്ഞ് പി.സദാശിവം
കാലാവധി പൂര്ത്തിയാക്കി സ്ഥാനമൊഴിയുന്ന ഗവര്ണര് പി.സദാശിവത്തിന് രാജ്ഭവനില് ഊഷ്മള യാത്രയയപ്പ്. രാജ്ഭവനിലെ ജീവനക്കാര് ഉപഹാരങ്ങളും നന്ദിയും അര്പ്പിച്ചാണ് ഗവര്ണര്ക്ക് യാത്രയയപ്പ് നല്കിയത്. ശബരിമല വിഷയത്തില് സുപ്രിംകോടതി വിധി നടപ്പാക്കാന് സര്ക്കാരിന് ബാദ്ധ്യതയുണ്ടെന്ന് യാത്രഅയപ്പിന് ശേഷം സംസാരിക്കുകവെ അദ്ദേഹം പറഞ്ഞു.
പ്രളയത്തെ കേരളം ഐക്യത്തോടെ നേരിട്ട രീതി ലോകത്തിന് മാതൃകയാണ്. കേരളത്തിന്റെ പുനര് നിര്മാണത്തിലും ഈ ഒത്തൊരുമ ഉണ്ടാകണമെന്നും അദ്ദേഹം ഓര്മ്മിപ്പിച്ചു. ജുഡീഷ്യറിയുടെ സ്വാതന്ത്ര്യത്തെ ബാധിക്കുന്ന എന്തെങ്കിലും ഗുരുതര പ്രശ്നം സുപ്രീം കോടതിയില് ഉള്ളതായി താന് കരുതുന്നില്ലെന്നും സുപ്രീം കോടതി മുന്ചീഫ് ജസ്റ്റിസ് കൂടിയായ അദ്ദേഹം പറഞ്ഞു.
തനിക്ക് ഇക്കാര്യത്തില് ആശങ്കയില്ല. കേന്ദ്ര സര്ക്കാര് പറയുന്നതു മാത്രം കേള്ക്കുന്നവരല്ല ഗവര്ണര്മാരെന്നും അദ്ദേഹം വ്യക്തമാക്കി.ഗവര്ണറുടെ അധികാരം ഭരണഘടനയില് കൃത്യമായി നിര്വചിക്കപ്പെട്ടിട്ടുണ്ടെന്നും അദ്ദേഹം കൂട്ടിചേര്ത്തും. മുന് ചീഫ് ജസ്റ്റിസ് എന്ന നിലയില് തനിക്ക് ഇതിനെ കുറിച്ച് വ്യക്തമായ ധാരണയുണ്ട്. വൈസ് ചാന്സലര് നിയമനം കഴിവിനെ മാത്രം മാനദണ്ഡമാക്കിയാണ് നടത്തിയതെന്നും അദ്ദേഹം വ്യക്തമാക്കി.സ്ഥാനമൊഴിയുന്ന പി സദാശിവത്തിന് പകരം മുന് കേന്ദ്രമന്ത്രി ആരിഫ് മുഹമ്മദ് ഖാന് മറ്റന്നാള് ഗവര്ണറായി സ്ഥാനമേല്ക്കും.
https://www.facebook.com/Malayalivartha
