ഇതെല്ലാം ജോസ് കെ മാണിയുടെ അറിവോടെ... വിമര്ശനങ്ങള്ക്ക് മറുപടിയുമായി പിജെ ജോസഫ്
ജോസ് കെ മാണിയുടെ അറിവോടെ തന്നെയാണ് കേരള കോണ്ഗ്രസ് മുഖപത്രമായ പ്രതിച്ഛായയില് തനിക്കെതിരെ ലേഖനത്തില് വന്നതെന്ന് പിജെ ജോസഫ്. കെ.എം മാണിയെ പോലെ ജോസ് കെ മാണിക്ക് പക്വതയില്ലെന്ന് പിജെ ജോസഫ് പറഞ്ഞു. തനിക്കെതിരായ വിമര്ശനം പാലായില് ഗുണം ചെയ്യില്ലെന്നും പിജെ ജോസഫ് പറഞ്ഞു. മുന്പും ഇത്തരത്തില് തനിക്കെതിരേയും കോണ്ഗ്രസ് നേതാക്കള്ക്കെതിരേയും ലേഖനം വന്നിട്ടുണ്ട്.
എന്നാല് ഇതുകൊണ്ടൊന്നും താന് പ്രകോപിതനാകില്ല. പാലായില് ഇത്തരം വിമര്ശനങ്ങളെല്ലാം തിരിച്ചടി നല്കുമെന്നും പിജെ ജോസഫ് പറഞ്ഞു. അതേസമയം പ്രതിച്ഛായയില് ലേഖനം വന്നത് തന്റെ അറിവോടെയല്ലെന്നും പാര്ട്ടി നിലപാടല്ല ലേഖനത്തില് പ്രതിപാദിച്ചതെന്നും ജോസ് കെ മാണി പറഞ്ഞു. ലേഖനമെഴുതിയ ആളോട് വിശദീകരണം ചോദിക്കും. അഭിപ്രായ വ്യത്യാസങ്ങള് വിവാദമാക്കാന് ഇല്ലെന്നും ജോസ് കെ മാണി പറഞ്ഞു.
രണ്ടില ചിഹ്നം സംബന്ധിച്ച തര്ക്കത്തിന് പിന്നാലെ പിജെ ജോസഫിനെ വിമര്ശിച്ച് കേരള കോണ്ഗ്രസ് മുഖപത്രമായ പ്രതിച്ഛായയില് ലേഖനം പ്രത്യക്ഷപ്പെട്ടിരുന്നു. ശകുനം മുടക്കാന് നോക്കുകുത്തിപോലെ വഴി വിലങ്ങിയവര് വിഡ്ഢികളായി മാറിയെന്നായിരുന്നു പിജെ ജോസഫിനെതിരെയുള്ള ഒളിയമ്ബ്. സ്ഥാനാര്ത്ഥി നിര്ണയം സംബന്ധിച്ചുള്ള തര്ക്കങ്ങള് ജോസ് കെ മാണിയുടെ ജനപ്രീതി ഉയര്ത്തിയെന്നും ലേഖനത്തില് പരാമര്ശിക്കുന്നുണ്ട്.
https://www.facebook.com/Malayalivartha