മരട് ഫ്ലാറ്റ് പൊളിച്ചു മാറ്റാന് സുപ്രീംകോടതി അനുവദിച്ച സമയപരിധി ഇന്ന് അവസാനിക്കും....
മരട് ഫ്ലാറ്റ് പൊളിച്ചു മാറ്റാന് സുപ്രീംകോടതി അനുവദിച്ച സമയപരിധി ഇന്ന് അവസാനിക്കും. നഗരസഭക്കായിരുന്നു താമസക്കാരെ പുനരധിവസിപ്പിച്ച് പൊളിക്കേണ്ട ചുമതല .സെപ്റ്റംബര് 20നകം നാല് ഫ്ലാറ്റുകളും പൊളിച്ച് റിപ്പോര്ട്ട് നല്കാനായിരുന്നു സുപ്രീംകോടതിയുടെ അന്ത്യശാസനം. തങ്ങളെ കൊന്നാലും ഒഴിയില്ലെന്ന നിശ്ചയദാര്ഢ്യത്തോടെ ഏറെനാളായി പ്രതിഷേധം നടത്തുകയായിരുന്നു പൊളിച്ചുമാറ്റാനുത്തരവിട്ട മരടിലെ ഹോളിഫെയ്ത്ത്, ഗോള്ഡന് കായലോരം, ജയിന് ഹൗസിങ്, ആല്ഫ സെറീന് എന്നീ ഫ്ലാറ്റുകളിലെ താമസക്കാര്. തുടര്ന്ന് സര്ക്കാര് സര്വകക്ഷി യോഗം വിളിക്കുകയും ചെയ്തു. യോഗത്തില് സര്ക്കാര് നിയമപരമായി സുപ്രീംകോടതിയെയും കേന്ദ്രത്തെയും സമീപിക്കാനുള്ള തീരുമാനം കൈക്കൊണ്ടിരുന്നു.
മേല്നോട്ടം വഹിക്കാനും റിപ്പോര്ട്ട് സമര്പ്പിക്കാനുമായി ചീഫ് സെക്രട്ടറിയെ നേരിട്ട് ചുമതലപ്പെടുത്തുകയും ചെയ്തു. 23ന് ചീഫ് സെക്രട്ടറി നേരിട്ട് സുപ്രീം കോടതിയില് ഹാജരായി റിപ്പോര്ട്ട് സമര്പ്പിക്കാനാണ് ഉത്തരവ്.
സര്ക്കാര്, സുപ്രീംകോടതി തലത്തില് എന്തെങ്കിലും തീരുമാനമാകാതെ ഇനിയൊന്നും ചെയ്യാനില്ലെന്ന നിലപാടിലാണ് നഗരസഭ. എന്നാല്, കടുത്ത പ്രതിഷേധവും തുടര്ന്നുള്ള സംഭവവികാസങ്ങളുമാണ് ഇക്കാര്യത്തില് കാര്യമായ നടപടികളൊന്നും കൈക്കൊള്ളാതിരിക്കാന് സര്ക്കാറിനെയും നഗരസഭയെയും പ്രേരിപ്പിച്ചത്.
https://www.facebook.com/Malayalivartha