ഡല്‍ഹി, ജമ്മു കശ്മീര്‍ തുടങ്ങി ഒട്ടേറെ പ്രദേശങ്ങളില്‍ ശക്തമായ ഭൂചലനം രേഖപ്പെടുത്തി. ജനങ്ങള്‍ പരിഭ്രാന്തരായി വീടുകളില്‍ നിന്നും ഓഫിസുകളില്‍ നിന്നും പുറത്തേക്ക് ഓടി. പ്രാഥമിക വിവരങ്ങള്‍ അനുസരിച്ച് എവിടെയും നാശനഷ്ടങ്ങളോ ആളപായമോ റിപ്പോര്‍ട്ട് ചെയ്തിട്ടില്ല. റിക്ടര്‍ സ്‌കെയിലില്‍ 6.2 തീവ്രത രേഖപ്പെടുത്തിയ ഭൂചലനമാണ് ഉണ്ടായത്.

അഫ്ഗാനിസ്ഥാനാണ് ഭൂകമ്പത്തിന്റെ പ്രഭവകേന്ദ്രം. അഫ്ഗാനിസ്ഥാനിലെ ഹിന്ദുക്കുഷ് മേഖലയിലുണ്ടായ ഭൂചലനത്തിന്റെ പ്രകമ്പനം ഇന്ത്യയില്‍ മാത്രമല്ല, പാക്കിസ്ഥാന്റെ വടക്കന്‍ മേഖലകളിലും തലസ്ഥാനമായ ഇസ്‌ലാമാബാദിലും ശക്തമായി അനുഭവപ്പെട്ടതായാണ് റിപ്പോര്‍ട്ടുകള്‍.