രാഷ്ട്രപിതാവ് മഹാത്മാ ഗാന്ധിയേയും ശബരിമല അയ്യപ്പനെയും പ്രധാനമന്ത്രി നരേന്ദ്രമോദിയേയും അവഹേളിക്കുന്ന കാര്യങ്ങള് പ്രസിദ്ധീകരിച്ച കോളജ് മാഗസിന് എസ്.എഫ്.ഐ യൂണിയന് പിന്വലിച്ച് തടിതപ്പി
15 OCTOBER 2019 03:15 PM IST
മലയാളി വാര്ത്ത
പോസ്റ്റ് ട്രൂത്ത് എന്ന മാഗസിനില് ദേശവിരുദ്ധ കവിതകളും കഥകളുമുണ്ടെന്നാണ് എ.ബി.വി.പി ആരോപിക്കുന്നത്. ഭാരത് മാതാ കീ എന്ന കവിതയില് രാജ്യം അപകടത്തിലാണെന്നാണ് പറയുന്നത്. ചാണകം മെഴുകിയ താമര മെത്തയില് കാവി പുതച്ചാണ് രാജ്യം കിടക്കുന്നതെന്നും ജനാധിപത്യം അവസാനിക്കുകയാണെന്നും കവിതയില് പറയുന്നു. ഇതേ തുടര്ന്ന് ബിജെപി അനുകൂല എംപ്ലോയീസ് സെന്റര് പ്രവര്ത്തകര് യൂണിവേഴ്സിറ്റി അധികൃതരെ കണ്ടിരുന്നു. ബിജെപി വള്ളിക്കുന്ന് നിയോജകമണ്ഡലം കമ്മിറ്റിയും ഹിന്ദു ഐക്യവേദിയും മാഗസിന് നിരോധിക്കണമെന്ന് ആവശ്യപ്പെട്ടിരുന്നു. ശബരിമല യുവതീപ്രവേശന വിധിക്കെതിരെ ഭക്തര് പ്രതിഷേധിച്ചതോടെ എസ്.എഫ്.ഐ യൂണിയന് ഭരിക്കുന്ന കോളജുകളില് അയ്യപ്പനേയും ശബരിമല ക്ഷേത്രത്തേയും അവഹേളിക്കുന്ന പോസ്റ്ററുകളും വരകളും വ്യാപകമായിരുന്നു.
മതസ്പര്ദ സൃഷ്ടിക്കുന്ന കവിതയും മാഗസിനില് ഉണ്ടെന്നും ഇസ്്ലാമിനെയും സ്ത്രീകളെയും അപമാനിക്കുന്നതാണെന്നും എം.എസ്.എഫുകാര് ആരോപിക്കുന്നു. മാഗസിന് സമിതി സബ് എഡിറ്ററും എസ്.എഫ്.ഐ നേതാവുമായ ആദര്ശ് എഴുതിയ 'മൂടുപടം' എന്ന കവിതയിലാണ്് ഇത്തരം പരാമര്ശങ്ങളുള്ളത്. മുസ് ലിം സ്ത്രീകളുടെ വസ്ത്രധാരണത്തെയും മുഖാവരണത്തെയും സ്വര്ഗ സങ്കല്പ്പത്തെയും മോശമായ ഭാഷയിലാണ് ഇയാള് വിമര്ശിക്കുന്നത്. എംഎ ഫോക് ലോര് വിദ്യാര്ഥിയായ ആദര്ശിന്റെ 'ആലയങ്ങള്' എന്ന കവിതയില് ആരാധനാലയങ്ങളെ പശുത്തൊഴുത്തിനോടും കക്കൂസിനോടുമാണ് ഉപമിക്കുന്നത്. എംഎ മലയാളം വിദ്യാര്ഥിനി നിവിയുടെ പേരിലുള്ള മറ്റൊരു കവിതയില് നിറയെ അശ്ലീല വാക്കുകളാണ് ഉള്ളത്.
പെണ്ണിന്റെ ചൂട് അറിയാന് മാനം നോക്കി നില്ക്കുന്ന ബോയ്സ് സ്കൂളിലെ പയ്യന്മാരുടെ അവസ്ഥയാണ് അയ്യപ്പനെന്ന് ഒരു കവിതയില് വിവരിക്കുന്നു. മകരജ്യോതിയേയും അപമാനിക്കുന്നു. അയ്യപ്പനെ മോശമാക്കി വരച്ച ചിത്രവും മാഗസിനിലുണ്ട്. മതസ്പര്ധ വളര്ത്തുന്ന കവിതയ്ക്കെതിരെ എം.എസ്.എഫ് പ്രതിഷേധിച്ചു. എസ്എഫ്ഐയുടെ വര്ഗീയ വിദ്വേഷ പ്രചരണത്തിനെതിരേ എം.എസ്.എഫ് ശക്തമായി അപലപിച്ചു. മത വിശ്വാസങ്ങളെയും വസ്ത്ര ധാരണകളെയും അവഹേളിക്കുന്ന ലേഖനങ്ങളുള്ളതിനാല് ക്യാമ്പസ് ഫ്രണ്ടുകാര് മാഗസിന് കത്തിച്ചാണ് പ്രതിഷേധം നടത്തിയത്. മണ്ഡലകാലം ആരംഭിക്കാന് ഒന്നരമാസം മാത്രം ബാക്കി നില്ക്കെ ഈ സംഭവം സര്ക്കാരിനും സി.പി.എമ്മിനും വലിയ തിരിച്ചടിയായേക്കും. ഉപതെരഞ്ഞെടുപ്പുകളില് വിഷയം ചര്ച്ചയാക്കാന് ബി.ജെ.പി തീരുമാനിച്ചുകഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
