മംഗലാപുരം സ്വദേശി റഹ്മാന്‍(25) ആണ് ട്രെയിനിന് മുകളില്‍ കയറി നിന്ന് ആത്മഹത്യാഭീഷണി മുഴക്കിയത്.പരപ്പനങ്ങാടിയില്‍ നിന്ന് എന്‍ജിനില്‍ ഓടിക്കയറിയതായിരുന്നു യുവാവ്. അതിനിടെ ലോക്കോ പൈലറ്റുമാര്‍ തടയാന്‍ ശ്രമിച്ചപ്പോള്‍ എന്‍ജിനു മുകളിലേക്ക് വലിഞ്ഞുകയറി. പിന്നീട് ട്രെയിനിന് മുകളിലൂടെ വൈദ്യുതിക്കമ്ബി മേലുതട്ടാതെ ഓട്ടമായി. ഇത് കണ്ട് യാത്രക്കാരും ജീവനക്കാരും എന്തു ചെയ്യണമെന്നറിയാതെ നിസ്സഹായവസ്ഥയിലായി. പിന്നീട് കാല്‍മണിക്കൂറോളം കഴിഞ്ഞ് യാത്രക്കാരും നാട്ടുകാരും ചേര്‍ന്ന് അനുനയിപ്പിച്ച്‌ ഇയാളെ താഴെ ഇറക്കുകയായിരുന്നു. ഏഴുമണിയോടെയാണ് കോഴിക്കോട് ആര്‍പിഎഫിനു കൈമാറി. യുവാവ് ചെറുതായി മാനസികാസ്വാസ്ഥ്യം പ്രകടിപ്പിച്ചിരുന്നതായി യാത്രക്കാര്‍ പറഞ്ഞു.