ഉപതെരഞ്ഞെടുപ്പിൽ ഞങ്ങൾ ബി ജെ പിക്കൊപ്പം; നിലപാട് വ്യക്തമാക്കി ഓര്ത്തഡോക്സ് സഭ
18 OCTOBER 2019 05:33 PM IST
മലയാളി വാര്ത്ത
സംസ്ഥാനത്ത് നടക്കുന്ന ഉപതെരഞ്ഞെടുപ്പില് തങ്ങളുടെ പിന്തുണ ബി ജെ പിക്കെന്ന് വ്യക്തമാക്കി ഓര്ത്തഡോക്സ് സഭ . ത്രികോണ മത്സരം നടക്കുന്ന കോന്നിയില് ഓര്ത്തഡോക്സ് വോട്ടുകള് ബി ജെ പിക്ക് നല്കണമെന്ന് സഭ പറഞ്ഞു. പരസ്യ പ്രചാരണത്തിന്റെ അവസാന മണിക്കൂറുകളില് അങ്കമാലി അതിരൂപതയില് നിന്നുള്ള വൈദികന് തന്നെ പിന്തുണയുമായി കോന്നിയില് എത്തുകയുണ്ടായി.
53 ദേവാലയങ്ങളും മുപ്പതിനായിരത്തോളം വോട്ടും ഉള്ള ഓര്ത്തഡോക്സ് വിഭാഗത്തെ കൂടെ നിര്ത്താന് സാധിച്ചത് എന് ഡി എയുടെ വിജയമായാണെന്ന് വിലയിരുത്തലുകൾ. സഭാ തര്ക്കത്തില് ഇടത് വലത് മുന്നണികളില് നിന്നും ഓര്ത്ത്ഡോക്സ് സഭ നേരിട്ടത് വലിയ അനീതിയാണെന്ന് ഫാദര് വര്ഗീസ് പറഞ്ഞു. അങ്കമാലി അതിരൂപതയിലെ ഫാദര് വര്ഗീസ് എന്ഡിഎക്കു വേണ്ടി പ്രചാരണത്തിനിറങ്ങി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
