കളിക്കുന്നതിനിടെ റെയിൽ പാളത്തിലേക്ക് ഓടിക്കയറിയ രണ്ട് വയസുകാരി തീവണ്ടി തട്ടി ദാരുണാന്ത്യം. തിരൂർ മുത്തൂർ തൈവളപ്പിൽ മരക്കാറിന്റെ മകൾ ഷെൻസയാണ് അപകടത്തിൽ മരിച്ചത് എന്നാണ് റിപോർട്ട്. ബുധനാഴ്ച രാവിലെ പത്തരയോടെയായിരുന്നു സംഭവം നടന്നതെന്നാണ് വിവരം.

തീവണ്ടി വരുന്നത് ശ്രദ്ധിക്കാതെ ഷെൻസ പാളത്തിലേക്ക് ഓടിക്കയറുകയായിരുന്നു പെൺകുട്ടി. റെയിൽ പാളത്തിന് സമീപത്താണ് മരയ്ക്കാറിന്റെ വീട് സ്ഥിതിചെയ്യുന്നത്. പാളത്തിന്റെ അറ്റകുറ്റപ്പണിക്കായെത്തിയ തീവണ്ടിക്ക് മുന്നിലാണ് ഷെൻസ അകപ്പെട്ടത് എന്നാണ് അറിഞ്ഞത്.മൃതദേഹം കോട്ടക്കലിലെ സ്വകാര്യ ആശുപത്രിയിലാണ്. മാതാവ്: ഹൈറുന്നീസ.