ഇന്ദുലേഖയുടെ ഒന്നാം പതിപ്പ് ഇറക്കി
ലണ്ടനിലെ ബ്രിട്ടീഷ് ലൈബ്രറിയുടെ ശേഖരത്തില് മാത്രമുണ്ടായിരുന്ന ആദ്യ ലക്ഷണമൊത്ത നോവല് ഇന്ദുലേഖയുടെ പുനര്മുദ്രണം, മലയാള മനോരമയുടെ നേതൃത്തില് നടത്തി എഴുത്തുകാരന് എം.ടി. വാസുദേവന് നായര് പ്രകാശനം ചെയ്തു.
1889-ല് ചന്തുമേനോന് എഴുതി, മലയാള നോവല് സാഹിത്യശാഖയുടെ ഉദ്ഘാടനകൃതിയായി മാറിയ ഇന്ദുലേഖയുടെ 130-ാം വര്ഷത്തിലാണ്, ഒന്നാം പതിപ്പ് പഴമ ചോരാതെ അതേ രൂപത്തില് വീണ്ടും പുറത്തിറക്കിയത്.
ലിപി സവിശേഷതകള് നിലനിര്ത്തിയതിനാല് സാഹിത്യപ്രേമികള്ക്കു മാത്രമല്ല ഭാഷ, അച്ചടി ചരിത്രം പഠിക്കുന്നവര്ക്കും ഈ പതിപ്പ് പ്രയോജനപ്പെടും.
ഇതിനു മുമ്പ് പുറത്തിറങ്ങിയ എല്ലാ പതിപ്പുകളിലും മൂലകൃതിയില് നിന്നും ധാരാളം വ്യത്യാസങ്ങള് വരുത്തിയിട്ടുണ്ടായിരുന്നു. നാഷണല് ബുക്ക് സ്റ്റാള് പുറത്തിറക്കിയ പതിപ്പിലാകട്ടെ, 18-ാം അധ്യായം പൂര്ണ്ണമായി നീക്കം ചെയ്തുകൊണ്ടാണ് പ്രസിദ്ധീകരിച്ചത്. അത് നോവലിന്റെ കഥാതുടര്ച്ചയ്ക്ക് ഗുരുതരമായ ദോഷമുണ്ടാക്കി എന്ന് നിരൂപകര് അഭിപ്രായപ്പെടുകയും ചെയ്തു.
.jpg)
https://www.facebook.com/Malayalivartha
