അഹാന കൃഷ്ണയുടെ കല്യാണത്തില് അതീവ സുന്ദരിയായി മമിത ബൈജുവും
പത്തുവര്ഷത്തെ പ്രണയത്തിനുശേഷം നടി അഹാന കൃഷ്ണയും ഛായാഗ്രാഹകന് നിമിഷ് രവിയും വിവാഹിതരായിരിക്കുകയാണ്. കുടുംബാംഗങ്ങളും അടുത്ത സുഹൃത്തുക്കളും സിനിമാമേഖലയില് നിന്ന് ഏറെ അടുപ്പമുള്ളവരും മാത്രമാണ് താജ് കോവളത്ത് നടന്ന വിവാഹച്ചടങ്ങില് പങ്കെടുത്തത്.
ദമ്പതികളും കുടുംബാംഗങ്ങളും പുറത്തുവിട്ട ചിത്രങ്ങളില് ചടങ്ങിലെ താരങ്ങളായി നടന്മാരായ ദുല്ഖര് സല്മാനും തെലുങ്ക് നടന് ഋഷഭ് ഷെട്ടിയുമുണ്ടായിരുന്നു. ഇപ്പോഴിതാ നടി മമിത ബൈജുവും വിവാഹച്ചടങ്ങില് പങ്കെടുത്തതിന്റെ ചിത്രം പുറത്തുവന്നിരിക്കുകയാണ്. അഹാനയുടെ സഹോദരി ദിയ കൃഷ്ണയാണ് മമിതയോടൊപ്പമുള്ള ചിത്രം പങ്കുവച്ചിരിക്കുന്നത്. മാമ്പള മഞ്ഞ നിറത്തിലെ സാരിയും ബ്ളൗസും അണിഞ്ഞ് വളരെ സിമ്പിള് ലുക്കില് അതീവ സുന്ദരിയായാണ് മമിത എത്തിയത്.
ദുല്ഖറും ഋഷഭ് ഷെട്ടിയോടുമൊത്തുള്ള കുടുംബ ചിത്രങ്ങളും ദിയ നേരത്തെ സമൂഹമാദ്ധ്യമങ്ങളില് പങ്കുവച്ചിരുന്നു. ഇവര്ക്ക് പുറമെ നടന് ചന്തു സലിം കുമാര്, സംഗീത സംവിധായകന് ജേക്സ് ബിജോയ്, സംവിധായകന് ഡൊമിനിക് അരുണ് എന്നിവരും ചടങ്ങില് പങ്കെടുത്തിരുന്നു.
https://www.facebook.com/Malayalivartha
