ജെന്ഡര് പാര്ക്കുമായി ഒഡീഷ സ്കില് ഡെവലപ്മെന്റ് അതോറിറ്റിയുടെ സഹകരണം
ഐക്യരാഷ്ട്ര സഭയുടെ സുസ്ഥിര വികസന ലക്ഷ്യങ്ങള് കൈവരിക്കുന്നതിന്റെ ഭാഗമായി സംസ്ഥാനത്ത് സ്ഥാപിച്ച ജെന്ഡര് പാര്ക്കുമായി സഹകരിക്കാന് തയ്യാറാണെന്ന് ഒഡീഷ സ്കില് ഡെവലപ്മെന്റ് അതോറിറ്റി ചെയര്മാന് (ക്യാബിനറ്റ് റാങ്ക്) സുബ്രദോ ബഗ്ചി. സംസ്ഥാന ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര് ഭുവനേശ്വറില് നടത്തിയ ചര്ച്ചയിലാണ് സുബ്രദോ ബഗ്ചി ഇക്കാര്യം വ്യക്തമാക്കിയത്. ഒഡീഷയില് സ്കില് മേഖലയില് ഉണ്ടാക്കിക്കൊണ്ടിരിക്കുന്ന മാറ്റങ്ങളെക്കുറിച്ച് സുബ്രദോ ബഗ്ചി വിശദീകരിച്ചു. ടാലന്റ് ആന്റ് നാച്ച്വറിംഗ് പ്രോഗ്രാമിലെ വൈദഗ്ദ്യത്തെ കുറിച്ചും ചര്ച്ചയായി. ജെന്ഡര് പാര്ക്ക് കോണ്ഫറന്സിന്റെ ഭാഗമാകാന് താത്പര്യം പ്രകടിപ്പിക്കുകയും ചെയ്തിട്ടുണ്ട്. നിപ പ്രതിരോധത്തില് മന്ത്രി വഹിച്ച പങ്കിനെ സുബ്രദോ ബഗ്ചി അഭിനന്ദിക്കുകയും പ്രതിരോധ പ്രവര്ത്തനങ്ങള് ചോദിച്ച് മനസിലാക്കുകയും ചെയ്തു.
ഒഡീഷ സ്കില് ഡെവലപ്മെന്റ് അതോറിറ്റിയുടെ സംരംഭങ്ങളായ നാനോ യൂണികോണുമായും അടുത്തിടെ സജ്ജമാകുന്ന വേള്ഡ് സ്കില് സെന്ററുമായും ജെന്ഡര് പാര്ക്കിന്റെ സാധ്യതകള് ചര്ച്ച നടത്തി. ജെന്ഡര്പാര്ക്കിന് ഇവയുടെ സഹകരണവും ഉറപ്പ് നല്കി. കേരളത്തിന്റെ ആയുര്വേദ മേഖലകളില് ഒഡീഷ സ്കില് ഡെവലപ്മെന്റ് അതോറിറ്റിയുടെ നൈപുണ്യം ബന്ധിപ്പിക്കുന്നതിനെക്കുറിച്ച് പരിശോധിക്കുമെന്ന് മന്ത്രി കെ.കെ. ശൈലജ ടീച്ചര് അറിയിച്ചു.
ഒറീസ ടെക്നിക്കല് എഡ്യൂക്കേഷന് ആന്റ് ട്രെയിനിംഗ് സെന്റര് ഡയറക്ടര് രഘു ഐ.എ.എസ്., സ്കില് ഡെവലപ്മെന്റ് ഡിപ്പാര്ട്ട്മെന്റ് ജോ. സെക്രട്ടറി പിനാക്കി പട്നായിക്ക്, സംസ്ഥാന ജെന്ഡര് പാര്ക്ക് സി.ഇ.ഒ. ഡോ. പി.ടി.എം. സുനീഷ് എന്നിവര് ചര്ച്ചയില് പങ്കെടുത്തു.
https://www.facebook.com/Malayalivartha
