വാളയാർ സംഭവത്തിൽ പ്രതിഷേധങ്ങൾ കനക്കുകയാണ്. പല രീതിയിൽ പലരും ആ കുഞ്ഞ് സഹോദരിമാർക്ക് നീതി കിട്ടാൻ പ്രതിഷേധങ്ങൾ നടത്തി കഴിഞ്ഞു. കോളേജ് ഓഫ്‌ എഞ്ചിനീറിങ്, പൂഞ്ഞാറിലെ വിദ്യാർഥികളും അവരുടെ പ്രതിഷേധം പ്രകടിപ്പിച്ചിരിക്കുകയാണ്. ഈ കോളേജ് വിദ്യാർത്ഥികളുടെ പ്രതിക്ഷേധം ഏതെങ്കിലും രാഷ്ട്രീയ പാർട്ടികളോടുള്ള പ്രതിഷേധമല്ല. ഈ നാട്ടിലെ നീതി പീഠത്തോടുള്ള അനാദരവുമല്ല ,മറിച്ച് ഈ സമൂഹത്തിൽ ആട്ടിൻ തോലിട്ട കറുത്ത കരങ്ങളോടുള്ള പ്രതിഷേധം മാത്രമാണിത്. പൂഞ്ഞാർ മുതൽ വാളയാർ വരെ സൈക്കിൾ റിലേ റാലി നടത്തിയായിരുന്നു പ്രതിഷേധിച്ചത്.

റാലി മാത്രമല്ല കോളേജുകളിൽ നിന്നും ടൗണുകളിൽ നിന്നും പതിനായിരത്തോളം ഒപ്പുകളും അവർ ശേഖരിച്ചു. ഈ ഒപ്പുകൾ പാലക്കാട് ജില്ലാ കളക്ടർക്ക് പരാതിയായി സമർപ്പിക്കാനുള്ള തീരുമാനത്തിലാണ് ഇവർ. പൂഞ്ഞാർ എഞ്ചിനീയറിംഗ് കോളേജ് ക്യാംപസിൽ നിന്നും നവംബർ 2-2019 രാവിലെ 9 മണിക്ക് ആരംഭിച്ച പ്രതിഷേധ റാലി നവംബർ 4-2019 പാലക്കാട് കളക്ടറേറ്റ് ഓഫീസിൽ അവസാനിക്കും.രണ്ട് സൈക്കിളിൽ കോളേജ് ഓഫ് എഞ്ചിനീറിങ് ,പൂഞ്ഞാറിലെ എല്ലാ വിദ്യാർഥികളും ഒരുമിക്കുന്നു. ഈ പ്രതിഷേധം ഈ കാലഘട്ടത്തിന്റെ വേലിയിൽ നിന്നും പുറത്തേക്കുള്ള വിദ്യാർഥികളുടെ ഉറച്ച ശബ്‌ദമായിട്ട് വിലയിരുത്താവുന്നതാണ്.