കൂടത്തില് തറവാട് ക്രൈംബ്രാഞ്ച് തുറന്ന് പരിശോധിച്ചു; അന്വേഷണത്തില് കാലപ്പഴക്കം പ്രശ്നമാണെങ്കിലും തെളിവുകള് എല്ലാം നഷ്ടപ്പെട്ടിട്ടില്ലെന്ന് അന്വേഷണ ഉദ്യോഗസ്ഥന്
കരമന കൂടത്തില് തറവാടിലെ ദുരൂഹ മരണങ്ങള് അന്വേഷിക്കാന് തറവാട് ഫൊറന്സിക് വിദഗ്ദരുടെ സഹായത്തോടെ ക്രൈംബ്രാഞ്ച് തുറന്ന് പരിശോധിച്ചു. ജയമാധവന് നായര് തലക്കേറ്റ ക്ഷതം മൂലം മരിച്ചുവെന്ന ഫോറന്സിക് റിപ്പോര്ട്ടിന്റെ അടിസ്ഥാനത്തിലാണ് പരിശോധന നടത്തിയത്. മരണ കാരണം തലയ്ക്കേറ്റ ക്ഷതം തന്നെയാണെന്നും കാലപ്പഴക്കം പ്രശ്നമാണെങ്കിലും തെളിവുകള് എല്ലാം നഷ്ടപ്പെട്ടിട്ടില്ലെന്നും അന്വേഷണ ഉദ്യോഗസ്ഥന് മുഹമ്മദ് ആരിഫ് പറഞ്ഞു.
രാവിലെ പതിനൊന്ന് മണിയോടു കൂടിയോടെയാണ് പ്രത്യേക അന്വേഷണസംഘം കൂടത്തില് തറവാട്ടിലെ ഉമാ മന്ദിരത്തിലെത്തിയത്. തുടര്ന്ന് മണിക്കൂറുകളോളം ഫൊറന്സിക് മേധാവി ഡോ.ശശികലയുടെ നേതൃത്വത്തിലുള്ള സംഘം പരിശോധന നടത്തി. ജയമാധവന് നായരുടെ മൃതദേഹം കണ്ടെത്തിയ സ്ഥലവും ജയപ്രകാശ് രക്തം ചര്ദ്ദിച്ച് വീണ സ്ഥലവും ക്രൈംബ്രാഞ്ച് പരിശോധിച്ചു. ജയമാധവന് നായര് തലക്കേറ്റ ക്ഷതംമൂലം മരിച്ചുവെന്നാണ് ഫോറന്സിക് സയന്സ് ലാബിന്റെ കണ്ടെത്തല്. തലയില് ക്ഷതമേല്ക്കാന് കാരണമായ കട്ടിലിന്റെ വശങ്ങള് ഫൊറന്സിക് സംഘം ശേഖരിച്ചു. ജയമാധവന്റേത് സ്വാഭാവിക മരണമാണോ അസ്വാഭിവകതയുണ്ടോയെന്ന് പരിശോധിക്കുന്നുമെന്നും കാലപ്പഴക്കം പ്രശ്നമാണെങ്കിലും തെളിവുകള് എല്ലാം നഷ്ടപ്പെട്ടിട്ടില്ലെന്നും അന്വേഷണ ഉദ്യോഗസ്ഥന് മുഹമ്മദ് ആരിഫ് പറഞ്ഞു.
പരിശോധനക്ക് മുമ്ബായി കേസിലെ പതിനൊന്നാം പ്രതിയും കൂടത്തില് തറവാട്ടിലെ വേലക്കാരിയുമായിരുന്ന ലീലയെ സംഭവസ്ഥലത്തെത്തിച്ചിരുന്നു. വീടിന്റെ താക്കോല് കൈവശം വെച്ചിരുന്ന രവീന്ദ്രന് നായരോട് താക്കോല് പൊലീസിനെ ഏല്പ്പിക്കാന് നേരത്തെ തന്നെ ആവശ്യപ്പെട്ടിരുന്നു. കൂടുതല് തെളിവുകള് ശേഖരിച്ച ശേഷം രവീന്ദ്രന് നായരെ ചോദ്യം ചെയ്യും. സ്വത്ത് തട്ടിയെടുത്ത കേസില് രവീന്ദ്രന് നായരും മുന് കാര്യസ്ഥന് സഹദേവനുമടക്കം 12 പേര് പ്രതികളാണ്. എന്നാല് കൂടത്തില് കുടുംബത്തിലെ ദുരൂഹ മരണങ്ങളെ കുറിച്ച് എഫ്ഐആറില് പരമാര്ശമില്ല.
കേസില് കാര്യസ്ഥന് രവീന്ദ്രന് ഒന്നാംപ്രതി, കാര്യസ്ഥന് സഹദേവന് രണ്ടാംപ്രതി, മുന് കളക്ടര് മോഹന്ദാസ് 10ാം പ്രതി എന്നിങ്ങനെയാണ് പ്രതി ചേര്ത്തിരിക്കുന്നത്. സ്വത്ത് തട്ടിപ്പില് ജയമാധവന്റെ ബന്ധുക്കളും ഉള്പ്പെടുന്നുണ്ടെന്നാണ് സൂചന. കൂടത്തില് കുടുംബത്തിലെ അംഗമായ പ്രസന്ന കുമാരിയുടെ പരാതിയിലാണ് സംഘം എഫ്ഐആര് രജിസ്റ്റര് ചെയ്തത്. നിലവില് തിരുവനന്തപുരം െ്രെകം ഡി.സി.പി മുഹമ്മദ് ആരിഫിനാണ് കേസിന്റെ അന്വേഷണ ചുമതല.
https://www.facebook.com/Malayalivartha
