അട്ടപ്പാടിക്ക് അടുത്ത മേലെ മഞ്ചിക്കണ്ടിയിലുണ്ടായ പൊലീസ് വെടിവെപ്പിനിടെ കാട്ടിലേക്ക് രക്ഷപ്പെട്ട മാവോയിസ്റ്റ് പൊലീസ് പിടിയില്‍. മാവോയിസ്റ്റ് സംഘത്തിലുണ്ടായിരുന്ന ദീപക് എന്ന ചന്ദുവിനെയാണ് തമിഴ്നാട് ടാസ്ക് ഫോഴ്സ് പിടികൂടിയത് എന്നാണ് വിവരം. ആനക്കട്ടിക്ക് അടുത്ത് വച്ച്‌ ഇയാളെ ടാസ്ക് ഫോഴ്സ് പിടികൂടുമ്ബോള്‍ കൂടെ മറ്റൊരാളും ഉണ്ടായിരുന്നുവെന്നും ഇയാളും കസ്റ്റഡിയിലാണെന്നാണ് വിവരം.

കേരള-തമിഴ്നാട് അതിര്‍ത്തിയിലുള്ള ആനക്കട്ടിയില്‍ വെച്ചാണ് ദിപക് പിടിയിലായതെന്നാണ് വിവരം. എസ്.ടി.എഫിന് മുമ്ബാകെ ഇയാള്‍ കീഴടങ്ങിയതാണെന്നും റിപ്പോര്‍ട്ടുകളുണ്ട്. ഇയാള്‍ക്കൊപ്പം മറ്റൊരാളെയും എസ്.ടി.എഫ് കസ്റ്റഡിയിലെടുത്തിട്ടുണ്ടെന്നും ഇതൊരു സ്ത്രീയാണെന്നും സൂചനകളുണ്ട്.