റൈറ്റ് തിങ്കേഴ്സിന് പണികിട്ടി; അയോധ്യ വിധിയുമായി ബന്ധപ്പെട്ട നിയന്ത്രണങ്ങൾ ലംഘിച്ച മലയാളി സമൂഹമാധ്യമ കൂട്ടായ്മയ്ക്കെതിരെ കേസ്
അയോധ്യ വിധിയുമായി ബന്ധപ്പെട്ട നിയന്ത്രണങ്ങൾ ലംഘിച്ച മലയാളി സമൂഹമാധ്യമ കൂട്ടായ്മയ്ക്കെതിരെ കേസ്. റൈറ്റ് തിങ്കേഴ്സ് എന്ന ഗ്രൂപ്പിനെതിരെ കൊച്ചി സിറ്റി പോലീസാണ് കേസെടുത്തിരിക്കുന്നത്. അയോധ്യ വിധിയുടെ പേരില് ഗ്രൂപ്പില് വന്ന പോസ്റ്റുകളാണ് കേസെടുക്കാന് കാരണം.
നിയന്ത്രണങ്ങള് ലംഘിച്ചതിനാല് ഗ്രൂപ്പിനെതിരേ കേസെടുത്തതായി കൊച്ചി സെന്ട്രല് പോലീസ് സ്ഥിരീകരിച്ചു. നടപടികള് പുരോഗമിക്കുകയാണെന്നും കൂടുതല് വിശദാംശങ്ങള് ഇപ്പോള് വെളിപ്പെടുത്താനാകില്ലെന്നും പോലീസ് പറഞ്ഞു.
അയോധ്യാ കേസിലെ സുപ്രീം കോടതി വിധിയുമായി ബന്ധപ്പെട്ട് മതസ്പര്ധയും സാമുദായിക സംഘര്ഷങ്ങളും വളര്ത്തുന്ന തരത്തില് സാമൂഹ്യ മാധ്യമങ്ങളിലൂടെ സന്ദേശങ്ങള് തയ്യാറാക്കി പരത്തുന്നവര്ക്കെതിരെ കര്ശന നടപടി സ്വീകരിക്കുമെന്ന് പോലീസ് മുന്നറിയിപ്പ് നല്കിയിരുന്നു. അയോധ്യാ കേസിലെ വിധിയുടെ പശ്ചാത്തലത്തില് മതസ്പര്ധയും സാമുദായിക സംഘര്ഷങ്ങളും വളര്ത്തുന്ന തരത്തില് സാമൂഹ്യ മാധ്യമങ്ങളിലൂടെ സന്ദേശങ്ങള് തയ്യാറാക്കി പരത്തുന്നവര്ക്കെതിരെ കര്ശന നടപടി സ്വീകരിക്കുമെന്ന് പോലീസ് അറിയിച്ചു. ഇത്തരക്കാരെ ഉടനടി കണ്ടെത്തി അറസ്റ്റ് ചെയ്ത് ജാമ്യമില്ലാത്ത വകുപ്പുകള് ചുമത്തി പ്രോസിക്യൂഷന് നടപടി സ്വീകരിക്കും. ഇതിനുള്ള നിര്ദ്ദേശം പോലീസിന്റെ എല്ലാ വിഭാഗത്തിനും നല്കിയതായി അധികൃതര് അറിയിച്ചു. ഇത്തരം സന്ദേശങ്ങള് ഫോര്വേഡ് ചെയ്യുന്നവരെയും അറസ്റ്റ് ചെയ്ത് പ്രോസിക്യൂട്ട് ചെയ്യുന്നതാണ്. ഇവര്ക്കെതിരെയും ജാമ്യമില്ലാ വകുപ്പുകള് ചുമത്തും.
എല്ലാ സാമൂഹ്യ മാധ്യമങ്ങളിലെയും എല്ലാത്തരം അക്കൗണ്ടുകളും 24 മണിക്കൂറും കേരളാ പോലീസിന്റെ സൈബര് സെല്, സൈബര്ഡോം, സൈബര് പോലീസ് സ്റ്റേഷനുകള് എന്നിവയുടെ നിരീക്ഷണത്തിലായിരിക്കും. സാമുദായിക സംഘര്ഷം വളര്ത്തുന്ന തരത്തില് സന്ദേശം പരത്തുന്നവരെ ഉടനടി കണ്ടെത്താന് ആധുനിക സാങ്കേതിക വിദ്യയുടെ സേവനം ഉപയോഗിക്കും.
https://www.facebook.com/Malayalivartha
