പണ്ട് ക്ഷേത്രത്തിൽ തിരക്കില്ലാതിരുന്ന കാലത്ത് യുവതികൾ ഉൾപ്പടെയുള്ള സ്ത്രീകൾ ശബരിമലയിൽ പോയിട്ടുണ്ടാകാം ...ഏതായാലും മണ്ഡലകാലത്ത് സ്ത്രീകൾ കെട്ട് നിറച്ച് ശബരിമലയിൽ ചെന്നതായി അറിവില്ല . ഇതെല്ലാം തന്നെ വിശ്വാസത്തിന്റെ പ്രശ്നമാണ്. അയോദ്ധ്യ വിധിയിലെ പോലെ ശബരിമലയിലും വിശ്വാസം സംരക്ഷിക്കപ്പെടുമോ? 

അയോധ്യ കേസിലെ വിധിക്ക് പിന്നാലെ രാജ്യം ഉറ്റുനോക്കുന്നത് ശബരിമല വിധി എന്താകുമെന്നാണ് ചീഫ് ജസ്റ്റിസ് രഞ്ജന്‍ ഗൊഗോയി വിരമിക്കുന്ന 17നകം മറ്റ് വിവാദ വിഷയങ്ങളിലും സുപ്രീം കോടതി വിധി പുറപ്പെടുവിച്ചേക്കുംഎന്നാണു അറിയുന്നത് . ശനിയാഴ്ചയാണ് അയോധ്യ ഭൂമി തര്‍ക്ക കേസില്‍ സുപ്രീം കോടതി വിധി പ്രസ്താവിച്ചത്. വിശ്വാസത്തിന്റെ പേരിൽ അയോധ്യയിൽ ക്ഷേത്രം നിർമ്മിക്കാൻ അനുമതി നൽകിയ സുപ്രീം കോടതി വരുന്ന ശബരിമല പുന:പരിശോധനാ ഹർജിയിൽ എടുക്കുന്ന തീരുമാനം വിശ്വാസികൾക്ക് അനുകൂലമാകുമോ എന്ന കാത്തിരിപ്പിലാണ് എല്ലാവരും

ഏറെ വിവാദമായ ശബരിമലയില്‍ യുവതീ പ്രവേശനത്തിന് അനുമതി നല്‍കിയ വിധിയെ ചോദ്യം ചെയ്ത് വിവിധ സംഘടനകളും വ്യക്തികളും നല്‍കിയ റിവ്യൂ ഹര്‍ജിയാണ് സുപ്രീം കോടതി പരിഗണിക്കുന്നത് . കഴിഞ്ഞ വര്‍ഷമാണ് ശബരിമലയില്‍ യുവതികള്‍ക്ക് പ്രവേശിക്കാമെന്ന ചരിത്ര വിധി സുപ്രീം കോടതി ഭരണഘടന ബെഞ്ച് പുറപ്പെടുവിച്ചത്. വിധി നടപ്പാക്കാന്‍ തയ്യാറായ സര്‍ക്കാറിനെതിരെ വിവിധ സംഘടനകള്‍ സമരത്തിനിറങ്ങിയത് രാജ്യവ്യാപക ശ്രദ്ധനേടിയിരുന്നു. യുവതി പ്രവേശനം അനുവദിച്ച സുപ്രീം കോടതി വിധിക്കെതിരെ 57 റിവ്യൂ ഹര്‍ജികളാണ് ഫയല്‍ ചെയ്തത്.

ശബരിമലയിൽ യുവതികളെ പ്രവേശിപ്പിക്കരുത് എന്നത് വർഷങ്ങളായുള്ള വിശ്വാസമാണ്. അതെ സമയം വർഷങ്ങൾക്ക് മുമ്പ് മലയിൽ സ്ത്രീകൾ കയറിയിട്ടുണ്ടെന്നും പറയുന്നുണ്ട് . പണ്ട് ക്ഷേത്രത്തിൽ തിരക്കില്ലാതിരുന്ന കാലത്ത് യുവതികൾ ഉൾപ്പടെയുള്ള സ്ത്രീകൾ ശബരിമലയിൽ പോയിട്ടുണ്ടാകാം ...ഏതായാലും മണ്ഡലകാലത്ത് സ്ത്രീകൾ കെട്ട് നിറച്ച് ശബരിമലയിൽ ചെന്നതായി അറിവില്ല . ഇതെല്ലാം തന്നെ വിശ്വാസത്തിന്റെ പ്രശ്നമാണ്. അയോദ്ധ്യ വിധിയിലെ പോലെ ഇവിടെയും വിശ്വാസം സംരക്ഷിക്കപ്പെടുമോ എന്ന പ്രതീക്ഷയിലാണ് സാധാരണക്കാരായ ജനങ്ങൾ