നിഷാമിന്റെ ഭാര്യ അമലിന് രക്ഷപെടാന്‍ വഴിയൊരുക്കിയത് ഉന്നതര്‍. ഭാര്യമാരായാല്‍ ഇങ്ങനെതന്നെ വേണം. ക്രൂരതയുടെ പര്യായമായ നിഷാമിന് ചേര്‍ന്ന ഭാര്യയാണ് അമല്‍. നിഷാമിന്റെ എല്ലാ ചെയ്തികളുകളെയും പിന്തുണക്കുകയാണ് ഇവരുടെ പ്രധാന ജോലി. ചന്ദ്രബോസിനെ ഇടിച്ചിട്ട ശേഷം നിഷാം ഭാര്യയോട് തോക്കെടുത്തുകൊണ്ട് വരാന്‍ ആക്രോശിക്കുകയാണ് ചെയ്തത്. പിന്നീട് അവരെ കാണാതാവുകയായിരുന്നു.
അമല്‍ സ്ഥലത്തുണ്ടായിരുന്നെന്ന് സംഭവദിവസം തന്നെ അറിവ് ലഭിച്ചിട്ടും കസ്റ്റഡിയിലെടുത്ത് ചോദ്യം ചെയ്യാന്‍ തയ്യാറാകാതിരുന്നതിന് പിന്നിലും ദുരൂഹതയുണ്ട്. അമലിന് രക്ഷപെടാന്‍ പൊലീസ് അവസരമൊരുക്കിയെന്ന സംശയം ബലപ്പെട്ടുകഴിഞ്ഞു. പുതിയ കമ്മീഷണര്‍ ചുമതലയേറ്റതിന് ശേഷമാണ് അമലിലേക്ക് അന്വേഷണം നീട്ടാന്‍ തീരുമാനിച്ചത്. അമലിനു കൊലപാതകത്തില്‍ നേരിട്ടോ അല്ലാതെയോ ഏതു തരത്തിലെങ്കിലും ബന്ധമുണ്ടോയെന്ന് പൊലീസ് പരിശോധിക്കും. ഇതിലേക്കായി അമലിനെ ഉടന്‍ കസ്റ്റഡിയിലെടുക്കും. തെളിവുകളെല്ലാം പരിശോധിച്ച ശേഷമേ ഇവരെ കേസില്‍ പ്രതിചേര്‍ക്കുകയുള്ളു. അതിനിടെ അറസ്റ്റ് ഒഴിവാക്കാന്‍ അമല്‍ മുന്‍കൂര്‍ ജാമ്യത്തിന് ശ്രമം തുടങ്ങിയതായും സൂചനയുണ്ട്.
ഇപ്പോഴത്തെ കൊലക്കേസില്‍ രണ്ടാഴ്ചയ്ക്കകം കുറ്റപത്രം സമര്‍പ്പിക്കാന്‍ പൊലീസ് തീരുമാനിച്ചു കഴിഞ്ഞു. അങ്ങനെയായാല്‍ വിചാരണ കഴിഞ്ഞ് വിധി വരുന്നതുവരെ നിസാമിന് അകത്തു കിടക്കേണ്ടിവരും. ഫോറന്‍സിക് തെളിവുകള്‍ അതിശക്തമായി നിലനില്‍ക്കുന്നുണ്ട്. അത് പരമാവധി ഉപയോഗിച്ച് കുറ്റപത്രത്തിലെ പഴുതുകള്‍ അടച്ചാകും കുറ്റപത്രം നല്‍കുക. എല്ലാത്തിനും നിശാന്തിനി ഐപിഎസിന്റെ മേല്‍നോട്ടവുമുണ്ട്. അതുകൊണ്ട് തന്നെ നിസാമിന്റെ സുഹൃത്തുക്കളായ രാഷ്ട്രീയക്കാര്‍ക്ക് ഇടപെടാന്‍ കഴിയുന്നില്ലെന്നതാണ് വസ്തുത.
പ്രായപൂര്‍ത്തിയാകാത്ത മകന്‍ കാറോടിച്ച സംഭവത്തിലും അമലിന്റെ വാദം കുട്ടിയെ പിന്തുണച്ചായിരുന്നു. മാരുതി കാര്‍ ആയിരുന്നെങ്കില്‍ ആര്‍ക്കും ഒരു പ്രശ്‌നവും ഇല്ലായിരുന്നു ഇത് ഫെരാരി കാര്‍ ആയതല്ലേ വിഷയം എന്നായിരുന്നു അവരുടെ അഭിപ്രായം
ഏതായാലും അമലിനേ കസ്റ്റഡിയില്‍ എടുത്തേ അടങ്ങൂ എന്ന വാശിയിലാണ് കമ്മീഷ്ണര്‍. കാപ്പ നിയമം നിസാമിനെതിരെ ചുമത്താനായിരുന്നു നിശാന്തിനിയുടെ നീക്കം. അത് പാളിയതോടെയാണ് കേസ് അന്വേഷണം വേഗത്തിലാക്കി നിസാമിന് ജാമ്യം അനുവദിക്കാതിരിക്കാനുള്ള നീക്കം. ഏതായാലും കൊച്ചിയില്‍ നിന്നെത്തിയ നിശാന്തിനിക്ക് ഈ കേസ് തുറുപ്പു ചീട്ടായിരിക്കുകയാണ്. സ്ഥലം മാറ്റിയവര്‍ക്കാകട്ടെ വേലിയില്‍ ഇരുന്ന പാമ്പും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha