ഈ സമ്മേളനം വിഎസിന് അവസാനത്തേതോ ? വിഎസിനെ പുറത്താക്കാണമെന്ന് സിപിഎം സംസ്ഥാന നേതൃത്വം
നിരന്തരം അച്ചടക്കം ലംഘിച്ച് പാര്ട്ടി വിരുദ്ധ മനോഭാവത്തിലേക്ക് തരംതാണു എന്ന കുറ്റം ചുമത്തിയ വി.എസ്. അച്യുതാനന്ദനെ പാര്ട്ടി സംസ്ഥാന സമിതിയില് നിന്ന് പുറത്താക്കാന് സി.പി.എം സംസ്ഥാന നേതൃത്വത്തിന്റെ തീരുമാനം. എന്നാല് എന്തും വരട്ടേ എന്നുറച്ച് തന്നെയാണ് വിഎസും. അതുകൊണ്ട് തന്നെയാണ് സമ്മേളന കാലത്ത് നടപടി പാടില്ലെന്ന് പിണരായിയേയും കൂട്ടരേയും വിഎസ് ഓര്മിപ്പിച്ചത്. പോളിറ്റ് ബ്യൂറോയുടെ അതിശക്തമായ ഇടപെടല് ഉണ്ടായില്ലെങ്കില് വി.എസ്. അച്യുതാനന്ദന് പാര്ട്ടി സംസ്ഥാന സമിതിയില് നിന്ന് ഇത്തവണ പുറത്താവും എന്നത് ഉറപ്പാണ്. സംസ്ഥാന നേതൃത്വത്തിന്റെ ശക്തമായ സമ്മര്ദ്ദത്തിന് പിബി വഴങ്ങുമെന്നാണ് സൂചന.
നിലവില് വി.എസ് പാര്ട്ടി കേന്ദ്രകമ്മിറ്റി അംഗമാണ്. സാധാരണ ഗതിയില് കേന്ദ്രകമ്മിറ്റി അംഗത്തിനെതിരെ സംസ്ഥാന സമിതിക്ക് നടപടി സ്വീകരിക്കാനാവില്ല. എന്നാല് ഇവിടെ വി.എസിനെ സംസ്ഥാന സമിതിയില് നിന്ന് പുറത്താക്കുകയല്ല ചെയ്യുന്നത്. ഇത്തവണത്തെ സമ്മേളനത്തിനൊടുവില് പുതിയ സംസ്ഥാന സമിതി അംഗങ്ങളുടെ പാനല് തയ്യാറാക്കുമ്പോള് വി.എസിന്റെ പേര് ഉള്പ്പെടുത്തുന്നില്ല എന്നേയുള്ളൂ. അതില് പാര്ട്ടി ഭരണ ഘടനാപരമായ ലംഘനമൊന്നും ഉത്ഭവിക്കുന്നില്ലെന്നാണ് ഔദ്യോഗിക നേതൃത്വം വിശദീകരിക്കുന്നത്. വി.എസിനെ ഒഴിവാക്കി അവതരിപ്പിക്കുന്ന പാനല് സമ്മേളനം അംഗീകരിച്ചാല് അത് തീരുമാനമാവും. അതല്ല വി.എസിനെ ഒഴിവാക്കിയ പാനലിനോട് ആര്ക്കെങ്കിലും എതിര്പ്പുണ്ടെങ്കില് വോട്ടിനിട്ടും അക്കാര്യത്തില് തീരുമാനമുണ്ടാക്കാം. ഔദ്യോഗിക പക്ഷത്തിന് മൃഗീയ ഭൂരിപക്ഷമുള്ള സ്ഥിതിക്ക് അനുകൂല തീരുമാനമുണ്ടാക്കാന് ഒരു ബുദ്ധിമുട്ടുമില്ല.
സാധാരണ ഗതിയില് വി.എസിനെ പോലെ മുതിര്ന്ന ഒരു നേതാവിനെ സംസ്ഥാന കമ്മിറ്റിയിലെ പാനലില് നിന്ന് ഒഴിവാക്കുമ്പോള് കേന്ദ്ര നേതൃത്വത്തിന്റെ അംഗീകാരം തേടേണ്ടത് ധാര്മ്മികമായ കടമയാണ്.
എന്നാല് സംസ്ഥാന സമ്മേളനം ആരംഭിക്കുന്നതിന് തൊട്ടുമുന്പ് വിഎസ് കേന്ദ്ര കമ്മിറ്റിക്ക് അയച്ച കുറിപ്പിന്റെ പൂര്ണരൂപം ഒരു പത്രത്തില് വന്നതാണ് പാര്ട്ടി ഔദ്യോഗിക നേതൃത്വത്തെ വിറളി പിടിപ്പിച്ചത്. വി.എസ് ആണ് ഇത് ചോര്ത്തിയതെന്നാണ് അവര് ആരോപിക്കുന്നത്. എന്നാല് വി.എസ് അല്ല, വി.എസിനെ വെട്ടിലാക്കാന് മറുപക്ഷമാണ് ചോര്ത്തിയതെന്ന് എതിര്വാദവുമുണ്ട്.
അതെന്തായാലും ഇക്കാര്യത്തില് പാര്ട്ടി സംസ്ഥാന സമ്മേളനത്തിന്റെ തലേന്ന് പാര്ട്ടി സംസ്ഥാന സെക്രട്ടേറിയറ്റ് അടിയന്തരമായി ചേര്ന്ന് പ്രമേയം പാസാക്കുകയും പാര്ട്ടി സെക്രട്ടറി അത് വിശദീകരിക്കുകയും ചെയ്യുന്നത് അസാധാരണമായ നടപടിയാണ്. വി.എസ് രൂക്ഷമായ ആക്രമണം നടത്തിയ കാലത്തു പോലും പാര്ട്ടി സെക്രട്ടറി ഇത്ര കഠിനമായ ഭാഷയില് പ്രത്യാക്രമണം നടത്തിയിട്ടില്ല. വി.എസും പൊട്ടിത്തെറിക്കുകയാണുണ്ടായത്. പാര്ട്ടിയുടെ സംസ്ഥാനത്തെ ഏറ്റവും ഉന്നതരായ നേതാക്കള് പരസ്പരം പുലഭ്യം പറയുന്ന ദയനീയ കാഴ്ചയാണ് പാര്ട്ടി സംസ്ഥാന സമ്മേളനത്തിന്റെ തലേന്ന് കാണാന് കഴിഞ്ഞത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
