അഞ്ചാം ക്ലാസുകാരി പാമ്പുകടിയേറ്റ് മരിച്ച സംഭവം... മാനന്തവാടി എ.സി.പി വൈഭവ് സക്സേനയുടെ നേതൃത്വത്തില് പ്രത്യേക സംഘം അന്വേഷിക്കും
ബത്തേരിയില് അഞ്ചാം ക്ലാസ് വിദ്യാര്ഥി ഷഹ്ല ഷെറിന് പാമ്പുകടിയേറ്റ് മരിച്ച സംഭവം പ്രത്യേക സംഘം അന്വേഷിക്കും. മാനന്തവാടി എ.സി.പി വൈഭവ് സക്സേനയുടെ നേതൃത്വത്തില് പ്രത്യേക സംഘമാണ് അന്വേഷണം നടത്തുക.
സംഭവത്തില് പൊലീസ് സ്വമേധയാ കേസെടുത്തിരുന്നു. സുല്ത്താന് ബത്തേരി പൊലീസാണ് അധ്യാപകരേയും ഡോക്ടര്മാരും പ്രതിചേര്ത്തു കേസെടുത്തത്. ജുവൈനല് ജസ്റ്റിസ് ആക്ട് പ്രകാരമുള്ള ജാമ്യമില്ലാ വകുപ്പും മനപ്പൂര്വ്വമല്ലാത്ത നരഹത്യാ കുറ്റവുമാണ് പ്രതികള്ക്കെതിരെ ചുമത്തിയിരിക്കുന്നത്. പ്രധാനധ്യാപകന് കെ.കെ മോഹനന്, പ്രന്സിപ്പാള് എ.കെ കരണാകരന്, അധ്യാപകന് ഷിജില്, താലൂക്ക് ആശുപത്രിയിലെ ഡോക്ടര് ജിസ മെറിന് ജോയി എന്നിവര്ക്കെതിരെയാണ് കേസ് രജിസ്റ്റര് ചെയ്തിരിക്കുന്നത്.
സംഭവത്തില് പ്രിന്സിപ്പാളിനെയും വൈസ്പ്രിന്സിപ്പാളിനെയും സസ്പെന്ഡ് ചെയ്യുകയും സ്കൂളിന്റെ പിടിഎ കമ്മിറ്റി വിദ്യാഭ്യാസ വകുപ്പ് ഡെപ്യൂട്ടി ഡയറക്ടര് പിരിച്ചുവിടുകയും ചെയ്തിരുന്നു.
https://www.facebook.com/Malayalivartha
