സ്കൂളുകള് കേന്ദ്രീകരിച്ച് സെക്സ് മാഫിയാ സംഘം പ്രവര്ത്തിക്കുന്നതായി റിപ്പോര്ട്ട്
തലസ്ഥാനത്ത് സ്കൂള് വിദ്യാര്ഥിനികളെ വലയിലാക്കാന് സെക്സ് മാഫിയ സംഘങ്ങള് പ്രവര്ത്തിക്കുന്നതായി റിപ്പോര്ട്ട്. തലസ്ഥാനത്തെ ഐ.ടി നഗരമായ കഴക്കൂട്ടത്തെയും പരിസര പ്രദേശങ്ങളിലെയും ചില ഗവണ്മെന്റ്സ്വകാര്യ സ്കൂളുകള് കേന്ദ്രീകരിച്ച് സെക്സ് മാഫിയ സംഘം വിലസുന്നതായി സൂചന. റിപ്പോര്ട്ടിന്റെ അടിസ്ഥാനത്തില് പോലീസ് അന്വേഷണം ആരംഭിച്ചു. പത്തൊമ്പതോളം വിദ്യാര്ഥിനികള് സെക്സ് മാഫിയയുടെ പീഡനത്തിനിരയായിട്ടുണ്ടെന്നും പോലീസ് സംശയിക്കുന്നു. സ്കൂള് പരിസരങ്ങള് കേന്ദ്രീകരിച്ചാണ് ഇത്തരം സംഘങ്ങളുടെ പ്രവര്ത്തനം.
സ്കൂള് വിദ്യാര്ഥികളായ ആണ്കുട്ടികളെ പരിചയപ്പെട്ട് അവര്ക്ക് ആവശ്യമായ മദ്യവും മയക്കുമരുന്നും നല്കി പെണ്കുട്ടികളുടെ മൊബൈല് നമ്പര് വശത്താക്കിയാണ് സംഘങ്ങള് പ്രവര്ത്തിക്കുന്നത്. വിവരം പുറത്ത് പറഞ്ഞാല് ആണ്കുട്ടികളെ മയക്കുമരുന്ന് കേസില് കുടുക്കുമെന്ന് സംഘങ്ങള് ഭീഷണിപ്പെടുത്തും.
ചില വിദ്യാര്ഥികളെ ചോദ്യം ചെയ്തതില് നിന്നാണ് ഈ ഞെട്ടിക്കുന്ന വിവരം പുറത്തറിയുന്നത്. രാവിലെയും വൈകുന്നേരങ്ങളിലും സ്കൂളിന് പുറത്ത് കാത്തുനില്ക്കുന്ന സംഘം വിദ്യാര്ഥിനികളോട് വഴി ചോദിക്കുക, കൂട്ടുകാരികളായ മറ്റ് വിദ്യാര്ഥിനികളുടെ പേരുകള് ശേഖരിച്ച് അവരുടെ ബന്ധുവാണെന്നും അവര് പഠിക്കുമോ എന്നും വിവരം അവരോട് പറയരുതെന്നും എന്തെങ്കിലും ഉണ്ടെങ്കില് വിളിക്കണമെന്ന് പറഞ്ഞ് വിദ്യാര്ഥികളുടെ മൊബൈല് ഫോണ് നമ്പര് കൈക്കലാക്കുകയും ഇതിനുശേഷം നിരന്തരം വിളിക്കുകയും അടുപ്പത്തിലാകുകയുമാണ് ഇവരുടെ രീതി. ഇതില് ഒതുങ്ങാത്ത കുട്ടികളെ ഒഴിവാക്കി അവരുടെ കൂട്ടുകാരികളെ പരിചയപ്പെടുകയും തുടര്ന്ന് വിവാഹ വാഗ്ദാനങ്ങള് നല്കി പീഡിപ്പിക്കുകയും തുടര്ന്ന് സംഘത്തിലെ ആരെങ്കിലും ഒരാള് ഈ വിവരം വീട്ടുകാരെ അറിയിക്കുമെന്നും ഭീഷണിപ്പെടുത്തി അടുത്ത ആള് പീഡിപ്പിക്കുന്നുണ്ടെന്നുമാണ് പോലീസിന് കിട്ടിയ വിവരം. സംഘത്തിലെ ചിലരെക്കുറിച്ച് പോലീസിന് ചില വിവരങ്ങള് കിട്ടിയതായും ഇതേക്കുറിച്ച് അന്വേഷണത്തിനു വേണ്ടി പ്രത്യേക സംഘത്തെ നിയോഗിച്ചയതായും ഉന്നത പോലീസ് ഉദ്യോഗസ്ഥര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
