ബിന്ദുഅമ്മിണിയ്ക്കു നേരെ മുളകുപൊടി പ്രയോഗം നടത്തിയ ഹിന്ദു ഹെല്പ് ലൈൻ നേതാവിനെ പോലീസ് കസ്റ്റഡിയിൽ എടുത്തു.കണ്ണൂർ ജില്ലയിലെ ശ്രീകണ്ഠപുരം ഏരുവേശ്ശിയിലെ ശ്രീനാഥിനെയാണ് പോലീസ് കസ്റ്റഡിയിലെടുത്തത്. കഴിഞ്ഞ തവണ നിരവധി പ്രവർത്തകരാണ് ശബരിമലയിൽ പോലീസ് കസ്റ്റഡി യിലായത്. എന്നാൽ അതൊന്നും കർമസമിതി പ്രവർത്തകരെ തളർത്തിയിട്ടില്ല. എന്തുവിലകൊടുത്തും ആചാര സംരക്ഷണം നടത്തും എന്ന ഉറച്ച തീരുമാനത്തിലാണ് ഭക്തർ.

മുളകുപൊടി പ്രയോഗവുമായി കർമ സേനയും ദര്ശനം നടത്താനുറച്ച് ആക്ടിവിസ്റ്റുകളും ഇറങ്ങുമ്പോൾ കലുഷിതമായി സന്നിധാനം. നാമജപ പ്രധിഷേധങ്ങൾക്കൊപ്പം പുതിയ പ്രതിഷേധ പരിപാടികളുടെ ആസൂത്രണവുമായാണ് കർമ്മ സമിതി അടക്കമുള്ള ഭക്തർ സന്നിധാനത്തെത്തിയത്.തൃപ്തിദേശായിയുടെ നേതൃത്വത്തിൽ ശബരിമലയിൽ പോകുമെന്ന പ്രഖ്യാപനമുണ്ടായെങ്കിലും ബിന്ദു അമ്മിണിയെ മാത്രമാണ് കർമ്മ സമിതിക്കു കിട്ടിയത്.തൃപ്തിദേശായി പേടിച്ചോടിയതാവനാണ് സാധ്യത. മല പോലെ വന്നത് എലിപോലെ പോയി എന്ന് പറയുന്ന ത് പോലെ തൃപ്തി ദേശായിയെ ഇപ്പോൾ കാണാനില്ല. തന്നെ വിശ്വസിച്ച് കൂടെ വന്ന ബിന്ദു അമ്മിണിയെ ഒറ്റയ്ക്കാക്കി തൃപ്തി ദേശായി കമ്മീഷണർ ഓഫീസിൽ ഇരുന്നു കാഴ്ച കാണുകയാണ്.
സർക്കാർ സംരക്ഷണം നൽകില്ല എന്നുറപ്പ് പറഞ്ഞിട്ടും സംശയാലുക്കളാണ് ഭക്തർ.
കഴിഞ്ഞ തവണത്തെ പോലെ വേഷം മാറിയോ പോലീസ് ജീപ്പിലോ ആക്ടിവിസ്റ്റുകളെ എത്തിക്കുമോ എന്ന സംശയത്തിലാണ് ഭക്തർ. അതുകൊണ്ടുതന്നെ അയ്യപ്പ സേവാ സമിതിയും അതോടൊപ്പം വൻ പോലീസ് സന്നാഹവും ശബരിമലയിൽ ഏതു സാഹചര്യവും നേരിടാൻ സജ്ജരായിരിക്കുകയാണ്. എന്നാൽ ഒരുങ്ങിയിറങ്ങിയ തൃപ്തി ദേശായി ബിന്ദു അമ്മിണിക്ക് പണി കിട്ടിയത് കണ്ട ഭയന്നോടിയ അവസ്ഥയിലാണ്.കഴിഞ്ഞ തവണത്തെ പോലെ ഈ തവണയും ആക്ടിവിസം അവസാനിപ്പിച്ച് തിരിഞ്ഞോടുമോ എന്ന് കണ്ടറിയാം.
കഴിഞ്ഞ തവണ മനീതി സംഘ ത്തിനൊപ്പമായിരുന്നു ബിന്ദുഅമ്മിണിയുടെ യാത്ര.
ശബരിമല അയ്യപ്പന്‍ നൈഷ്ഠിക ബ്രഹ്മചാരിയാണെന്ന് വിശ്വസിക്കുന്ന ഒരു വന്‍ ജനസമൂഹം കേരളത്തില്‍ മാത്രമല്ല ലോകമെമ്പാടും ഉണ്ട്. രാഷ്ട്രീയവിശ്വാസത്തെക്കാൾ അത്തരം പാരമ്പര്യ വിശ്വാസങ്ങൾക്കും ആചാരങ്ങൾക്കും വില കൊടുക്കുന്ന സമൂഹം ആണ് നമ്മുടേത് .അതുകൊണ്ടുതന്നെ നിയമങ്ങൾ എത്ര തന്നെ ഉണ്ടായാലും ആചാര ലംഘനത്തിനുള്ള അവസരം ഒരുക്കാതിരിക്കാനുള്ള ശ്രമം വിശ്വാസികളും തുടരും .
യാതൊരു അസ്വാഭാവികതയും തോന്നാത്ത വിധത്തിൽ നടന്നു വന്ന കർമ സമിതി നേതാവ് അപ്രതീക്ഷിതമായാണ് ബിന്ദു അമ്മിണിയുടെ നേരെ മുളക് പൊടി പ്രയോഗം നടത്തിയത്.ഇനിയും എന്തൊക്കെ സമ്മാനങ്ങളാണ് ആചാര ലംഘനത്തിന് എത്തുന്നവർക്കായി ഭക്തർ കരുതി വെച്ചത് എന്ന് കണ്ടറിയാം.