നാട്ടുകാര് 'മൈന്ഡ്' ചെയ്യാത്തതില് പ്രതിഷേധിച്ച് ഗോപിനാഥന് 2 മണിക്കൂര് നാട്ടുകാര്ക്ക് വൈദ്യുതി തടഞ്ഞു!
കമ്പംമെട്ട് സ്വദേശിയായ 75-കാരനായ ഗോപിനാഥന് നായര് ഇന്നലെ നാട്ടുകാര്ക്ക് വൈദ്യുതി തടഞ്ഞു. ട്രാന്സ്ഫോമറിലെ ഫ്യൂസ് ഊരിയ ശേഷം രണ്ടുമണിക്കൂറോളമാണ് അയാള് വൈദ്യുത പോസ്റ്റില് കയറിയിരുന്നത്. ഇതോടെ പ്രദേശത്തെ വൈദ്യുതി വിതരണം താത്കാലികമായി തടസ്സപ്പെടുകയും ചെയ്തു.
പോസ്റ്റില് നിന്നിറങ്ങാന് പൊലീസും ഫയര്ഫോഴ്സും ആവശ്യപ്പെട്ടപ്പോള് നാട്ടുകാര് തന്നെ പരിഗണിക്കണം എന്ന ആവശ്യം മാത്രമാണ് ഗോപിനാഥന് നായര് ഉന്നയിച്ചത്. തുടര്ന്ന് എല്ലാവരും ചേര്ന്ന് ഇദ്ദേഹത്തെ അനുനയിപ്പിച്ച് താഴെയിറക്കുകയായിരുന്നു. നാട്ടുകാരാരും പരാതി നല്കാതിരുന്നതിനെ തുടര്ന്ന് പൊലീസ് കേസ് രജിസ്റ്റര് ചെയ്തില്ല.
ഭാര്യയും മക്കളുമായി പിണങ്ങി കഴിയുകയാണ് ഇദ്ദേഹമെന്നാണ് പൊലീസ് പറയുന്നത്. കമ്പംമെട്ടിലെ ആശാന് കടയിലാണ് ഗോപിനാഥന്നായരുടെ താമസം. കഴിഞ്ഞ ദിവസങ്ങളില് അയല്വീടുകളിലെ ഫ്യൂസും ഇയാള് ഊരി വച്ചതായാണ് നാട്ടുകാര് പറയുന്നത്.
https://www.facebook.com/Malayalivartha
