10 ലക്ഷം മൂല്യമുള്ള അഗര്വുഡ് എണ്ണയുമായി അസം സ്വദേശി പിടിയില്;പ്രതിയുടെ പക്കല് നിന്ന് 17 കിലോഗ്രാം അഗര്വുഡ് തടിക്കഷ്ണങ്ങളും 850 മില്ലിലിറ്റര് അഗര്വുഡ് എണ്ണയും പിടിച്ചെടുത്തു
04 DECEMBER 2019 04:08 PM IST
മലയാളി വാര്ത്ത
ലോകത്തെ ഏറ്റവും വിലപിടിപ്പേറിയ വൃക്ഷങ്ങളിലൊന്നാണ് അഗര്വുഡ്.ഏകദേശം 10 ലക്ഷം രൂപയോളം വിലമതിക്കുന്ന അഗര്വുഡ് ഓയിലും അഗര്വുഡ് തടിക്കഷ്ണവുമായി അസം സ്വദേശി പിടിയില്. അസം നാഗോണ് ഇസ്ലാം നഗര് ഹാരിസ് അലി (25) ആണ് ആര്.പി.എഫ്. സ്പെഷ്യല് സ്ക്വാഡിന്റെ പിടിയിലായത്. പ്രതിയുടെ പക്കല് നിന്ന് 17 കിലോഗ്രാം അഗര്വുഡ് തടിക്കഷ്ണങ്ങളും 850 മില്ലിലിറ്റര് അഗര്വുഡ് എണ്ണയും പിടിച്ചെടുത്തു.
ജി.എസ്.ടി.ഇല്ലാതെ എറണാകുളത്തെ മരടിലുള്ള കടയിലേക്ക് വില്ക്കാന് രേഖകളൊന്നുമില്ലാതെ അസമില്നിന്ന് ട്രെയിനിലാണ് രണ്ട് ബാഗുകളിലായി ഇയാള് സാധനങ്ങള് എത്തിച്ചത്. അസമില്നിന്ന് ഉയര്ന്ന ക്ലാസ് ടിക്കറ്റെടുത്താണ് ഇവ കേരളത്തിലേക്ക് എത്തിക്കുന്നത്. എറണാകുളം നോര്ത്ത് റെയില്വേ സ്റ്റേഷനില് െവച്ചാണ് ഇയാള് വലയിലായത് .
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
