ദേശീയപാതാ 66ൽ കായംകുളത്ത് ഉയരപ്പാത നിർമിക്കാൻ തത്വത്തിൽ ധാരണയായതായി സംസ്ഥാന പൊതുമരാമത്ത് വകുപ്പ് മന്ത്രി പി.കെ ബഷീർ കായംകുളം എം.എൽ.എ കൂടിയായ സഹകരണ- എക്സൈസ് വകുപ്പ് മന്ത്രി ശ്രീ. എം ലിജുവിനെ അറിയിച്ചു. കേന്ദ്ര ഉപരിതല ഗതാഗത വകുപ്പ് മന്ത്രി  നിതിൻ ഗഡ്കരിയുമായി ഡൽഹിയിൽ വെച്ച് പൊതുമരാമത്ത് വകുപ്പ് മന്ത്രി നടത്തിയ ചർച്ചയിലാണ് ഇക്കാര്യത്തിൽ ധാരണയായത്. ദീർഘകാലമായുള്ള കായംകുളത്തുകാരുടെ ആവശ്യമാണ് നടപ്പിലാകുന്നത്.

മന്ത്രി എം ലിജുവും ആലപ്പുഴ എം.പി ശ്രീ. കെ.സി വേണുഗോപാലും നടത്തിയ നിരന്തര ഇടപെടലുകളുടെ ഭാഗമായാണ് ഉയരപ്പാതയെന്ന കായംകുളത്തുകാരുടെ ആവശ്യം സാക്ഷത്കാരമായത്.കായംകുളത്തെ രണ്ടായി വെട്ടിമുറിക്കുന്ന നിലവിലെ നിർമാണം നിർത്തിവെച്ച്, കരാർ റദ്ദാക്കി ഉടൻ റീ- ടെൻഡർ വിളിച്ച് ഉയരപ്പാതയ്ക്ക് അനുയോജ്യമായ രൂപകൽപ്പന തയ്യാറാക്കുമെന്ന് പൊതുമരാമത്ത് വകുപ്പ് മന്ത്രി പി.കെ ബഷീർ മന്ത്രി എം ലിജുവിന് ഉറപ്പുനൽകിയിട്ടുണ്ട്.

കായംകുളത്ത് സുഗമമായ ഗതാഗതം ഉറപ്പുവരുത്തുന്നതിനും പ്രദേശവാസികളുടെ ബുദ്ധിമുട്ട് പരിഹരിക്കുന്നതിനും ഇത് ഏറെ സഹായകരമാകും. ഇക്കാര്യം ആവശ്യപ്പെട്ടുകൊണ്ട് മന്ത്രി എം ലിജു നേരത്തെ കേന്ദ്രമന്ത്രി നിതിൻ ഗഡ്കരിയെയും നേരിട്ട് കണ്ടിരുന്നു.