വാട്ട്സ് ആപ്പ് ഉപയോഗിക്കാത്തവരായി ആരുണ്ട് ? ആരെങ്കിലുമൊക്കെ ഉണ്ടാകുമല്ലേ ! ഏതായാലും വാട്ട്സ് ആപ്പ് ഉപയോഗിക്കുന്നവരുടെ അറിവിലേക്ക്... നമ്മൾ ഉപയോഗിക്കുന്ന വാട്ട്സ് ആപ്പിൽ ഉടൻ തന്നെ ഒട്ടനവധി മാറ്റങ്ങൾ വരുവാൻ പോകുകയാണ്. എന്തൊക്കെയാണന്നല്ലേ ? പറയാം. വാട്ട്സ് ആപ്പിൽ ഏറെ നാളായി ധാരാളം പുതുമകൾ പരീക്ഷിച്ചിരുന്നല്ലോ. എന്നാൽ ഇപ്പോൾ ഇവയെല്ലാം ഒരുമിച്ച് അവതരിപ്പിച്ചുകൊണ്ട് വാട്സാപ്പിൽ പുതിയ അപ്‍ഡേറ്റ് വരുവാൻ ഒരുങ്ങുകയാണ്. നേരത്തെ ഐഒഎസ് (ഐഫോൺ) പതിപ്പിൽ കോൾ വെയ്റ്റിങ്ങും ബ്രെയ്‍ലി കീബോർഡും അവതരിപ്പിച്ചിരുന്നു.ഇതിന് ശേഷം വാട്സാപ് ആൻഡ്രോയ്ഡ്, ഐഒഎസ് ഉപയോക്താക്കൾക്കായി പൊതുവായി ചില മാറ്റങ്ങൾ അവതരിപ്പിക്കുകയാണ് ഈ മാറ്റങ്ങളിലൂടെ . ഡാർക് മോഡ്, ഡിലീറ്റ് മെസേജ്, മൾട്ടി ഡിവൈസ് സപ്പോർട്ട് എന്നിങ്ങനെ നിരവധി മാറ്റങ്ങൾ അവതരിപ്പിക്കുകയാണ് . ആ മാറ്റണങ്ങൾ ഇവയൊക്കെയാണ്. അത് എന്തൊക്കെയാണെന്ന് അറിയാം..

ഡാർക് മോഡ്

ഇപ്പോൾ വാട്ട്സ് ആപ്പിൽ വെളുപ്പിൽ കാണുന്നതെല്ലാം കറുപ്പായി മാറുകയാണ് ഡാർക്ക് മോഡ് വഴി ഉദ്ദേശിക്കുന്നത്. അക്ഷരങ്ങളും മറ്റു നിറങ്ങളിലുള്ള ഘടകങ്ങളുമെല്ലാം തെന്നെ കണ്ണിനു സുഖകരമായ നിറങ്ങളിലേക്കു മാറുകയാണ്. ഇങ്ങനെ ചെയ്യുന്നതിലൂടെ ബാറ്ററി ഉപയോഗം കുറയ്ക്കാനാകും.

ഡിലീറ്റ് മെസേജ്

വാട്സാപ്പിൽ വരാനിരിക്കുന്ന പുതിയ അപ്‍ഡേറ്റ് ഡിലീറ്റ് മെസേജാണ്. ചില മെസേജുകൾ അയച്ച ശേഷം ‘അതങ്ങു വേഗം ഡിലീറ്റ് ചെയ്തേക്കണം’ എന്നു പറയുന്ന സംവിധാനത്തിന് തുല്യമാണിത്. അയയ്ക്കുന്ന സന്ദേശം എത്ര സമയം കഴിയുമ്പോൾ ഡിലീറ്റ് ആവണം എന്ന് അയയ്ക്കുമ്പോൾ തന്നെ നമുക്ക് അടയാളപ്പെടുത്താനാകും. ഒരു മണിക്കൂർ, ഒരു ദിവസം, ഒരാഴ്ച, ഒരു മാസം എന്നിങ്ങനെ ദൈർഘ്യം ക്രമീകരിക്കാവുന്നതുമാണ്. ‘ആയുസ്സെത്തു’മ്പോൾ അങ്ങനൊരു മെസേജ് അവിടുണ്ടായിരുന്നു എന്നതിന്റെ തെളിവ് പ്ലോലും അവശേഷിപ്പിക്കാതെ അതങ്ങ് മാഞ്ഞുപോകും എന്നതാണ് ഇതിന്റെ സവിശേഷത. സ്നാപ്ചാറ്റിലും ടെലിഗ്രാമിലുമൊക്കെ സ്വയം ഡിലീറ്റ് ആവുന്ന മെസേജ് ഉണ്ടല്ലോ ? അത് പോലെ തന്നെയാണിത്.

വാട്സാപ്പിൽ വരാനിരിക്കുന്ന പുതിയ അപ്‍ഡേറ്റുകളിൽ അടുത്തത് മൾട്ടി ഡിവൈസ് സപ്പോർട്ട് ആണ്.

ഒരേ ഫെയ്സ്ബുക് അക്കൗണ്ട് കംപ്യൂട്ടറിലും ഫോണിലും ഒക്കെ നാം ഉപയോഗിക്കുന്നുണ്ടല്ലോ ? ഇത് പോലെ ഒരേ വാട്സാപ് അക്കൗണ്ട് പല ഉപകരണങ്ങളിൽ ഉപയോഗിക്കാൻ മൾട്ടി ഡിവൈസ് സപ്പോർട്ടിലൂടെ കഴിയും . ഒരു നമ്പറിൽ ഒറ്റ വാട്സാപ് എന്ന പ്രശ്നത്തിനു ഒരു പരിഹാരം വരുത്തുവാൻ ഇതിലൂടെ കഴിയും എന്ന കാര്യം മറക്കരുത്.

ഇത് മാത്രമല്ല മ്യൂട് ചെയ്ത സ്റ്റേറ്റസുകൾക്കു മാത്രമായുള്ള മ്യൂട്ടഡ് സ്റ്റേറ്റസ് ടാബും, ക്യുആർ കോഡ് സ്കാൻ ചെയ്ത് കോൺടാക്ട് സേവ് ചെയ്യുന്ന സംവിധാനവും ഉൾപ്പെടെ ഉപയോഗപ്രദമായ വേറെയും പുതുമകൾ വാട്ട്സ് ആപ്പ് അവതരിപ്പിക്കാൻ ഒരുങ്ങുകയാണ്. ബീറ്റ പതിപ്പ് ഉപയോഗിക്കുന്നവർക്കു നിലവിൽ കിട്ടുന്ന ഈ സംവിധാനങ്ങൾ വാട്സാപ് അപ്ഡേറ്റ് വഴി വരും ദിവസങ്ങളിൽ എല്ലാവർക്കും കിട്ടുകയും ചെയ്യും.
ചാറ്റ് അപ്ലിക്കേഷനിൽ പുതിയ സവിശേഷതകൾ ചേർക്കാനുള്ള നിരന്തരമായ ശ്രമമാണ് വാട്ട്‌സ്ആപ്പ് എപ്പോഴും  ശ്രമിക്കുന്നത്. നിരവധി സവിശേഷതകൾ ഉടൻ തന്നെതുടങ്ങാനുള്ള ശ്രമത്തിലാണ് . വാട്ട്‌സ്ആപ്പ്. ആദ്യം ബീറ്റ അപ്ലിക്കേഷനിൽ ഒരു സവിശേഷത തുടങ്ങും. , ഇതിന് മികച്ച പ്രതികരണം കിട്ടുകയാണെങ്കിൽ അത് സ്ഥിരമാക്ക നായി ശ്രമിക്കും.
ഡാർക്ക് മോഡ് വളരെക്കാലമായി ഉണ്ട്. എന്നാൽ ഈ സവിശേഷത ഉടൻ തന്നെ അപ്ലിക്കേഷനിൽ വരുമെന്ന് പ്രതീക്ഷിക്കുന്നു. വാട്ട്‌സ്ആപ്പ് അപ്ലിക്കേഷനിൽ ചേർക്കാൻ ഉദ്ദേശിക്കുന്ന ഒരേയൊരു സവിശേഷത മാത്രമല്ല ഇത്. പ്രവർത്തിച്ചുകൊണ്ടിരിക്കുന്നതും അപ്ലിക്കേഷനിലേക്ക് ഉടൻ പ്രവേശിക്കാൻ കഴിയുന്നതുമായ പല മികച്ച സവിശേഷതകളുമുണ്ട്. ഏതായാലും ഇവയൊക്കെ ഉടൻ തന്നെ നമ്മുടെ ഫോണിൽ വരാൻ പോകുകയാണ്.