പ്രാര്ഥനയിലൂടെ സന്താന സൗഭാഗ്യം വാഗ്ദാനം ചെയ്ത് യുവതിയെ പീഡിപ്പിച്ച 90-കാരന് പോലീസ് പിടിയില്
സന്താന സൗഭാഗ്യം വാദ്ദാനം ചെയ്ത് യുവതിയെ പീഡിപ്പിച്ച 90-വയസുകാരന് അറസ്റ്റില്. പ്രാര്ഥനയ്ക്കെത്തിയ അടൂര് സ്വദേശിയായ യുവതിയെ പീഡിപ്പിച്ചെന്ന പരാതിയില് പൂഴിക്കാട് സ്വദേശി യോഹന്നാനാണ് അറസ്റ്റിലായത്.
കൃഷിക്കാരനായ യോഹന്നാന് ആധ്യാത്മിക പരിവേഷം സ്വീകരിച്ചതോടെ അനവധി ആളുകള് പ്രാര്ഥനാനുഗ്രഹം തേടി യോഹന്നാനെ സമീപിക്കാറുണ്ടായിരുന്നു എന്നു പോലീസ് പറഞ്ഞു. മൂന്ന് മാസം മുമ്പ്് കുട്ടികളില്ലാത്ത അടൂര് സ്വദേശിയായ ദമ്പതികള് സന്താന സൗഭാഗ്യത്തിനായി യോഹന്നാനെ സമീപിച്ചു.
പ്രാര്ഥനയിലൂടെ ആഗ്രഹം സഫലീകരിക്കാമെന്നു വാഗ്ദാനം നല്കിയാണ് മൂന്നു മാസത്തോളം പീഡിപ്പിച്ചതെന്നു പോലീസ് പറഞ്ഞു. ഒടുവില് യോഹന്നാന്റെ തനിനിറം വെളിപ്പെട്ടതോടെ യുവതി പോലീസില് പരാതിപ്പെടുകയായിരുന്നു.
പന്തളം സിഐ ഇ.ഡി. ബിജുവിന്റെ നേതൃത്വത്തിലാണ്അറസ്റ്റ്. ഇദ്ദേഹത്തോടൊപ്പം കൂടാതെ എസ്ഐ ആര്. ശ്രീകുമാറും ഉണ്ടായിരുന്നു. യോഹന്നാന്റെ വീട്ടില്നിന്നായിരുന്നു അറസ്റ്റ്. അടൂര് കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha