ഗോവിന്ദച്ചാമിമാരും നിര്ഭയകേസിലെ കൊലയാളികളും ഇനിയും ഉണ്ടാകാന് പാടില്ല; പ്രതികളെ ഏറ്റുമുട്ടലിലൂടെ വധിച്ച തെലങ്കാന പൊലീസ് നടപടിയില് അഭിനന്ധനവുമായി ശ്രീകുമാരന് തമ്പി
ഹൈദരാബാദില് വെറ്ററിനറി ഡോക്ടറെ ബലാത്സംഗം ചെയ്ത് തീകൊളുത്തി കൊലപ്പെടുത്തിയ കേസിലെ പ്രതികളെ ഏറ്റുമുട്ടലിലൂടെ വധിച്ച തെലങ്കാന പൊലീസ് നടപടിയില് കയ്യടിയും വിമർശനങ്ങളുമാണ് ഉയരുന്നത്. കേസിലെ പ്രതികളെ വെടിവച്ചുകൊന്ന സംഭവത്തില് പൊലീസിനെ അഭിനന്ദിച്ച് ഗാനരചയിതാവും സംവിധായകനുമായ ശ്രീകുമാരന് തമ്പി രംഗത്തെത്തിയിരിക്കുകയാണ്. മനഃപൂര്വം ചെയ്തതാണെങ്കിലും അല്ലെങ്കിലും സംഭവം തികച്ചും ഉചിതമായെന്ന് ശ്രീകുമാരന് തമ്പി അഭിപ്രായപ്പെട്ടു.
സ്ത്രീകള്ക്കും കുഞ്ഞുങ്ങള്ക്കും നേരെയുള്ള ഇത്തരം ആക്രമണങ്ങള് കൂടിവരുന്ന ഈ കാലത്ത് ഇതു തന്നെയാണ് ഏറ്റവും ഉചിതമായ ശിക്ഷാവിധി. ജയിലില് സുഖവാസവും കള്ളന്മാരായ വക്കീലന്മാരുടെ സഹായവും നേടി ചുളുവില് രക്ഷപ്പെടുന്ന ഗോവിന്ദച്ചാമിമാരും നിര്ഭയകേസിലെ കൊലയാളികളും ഇനിയും ഉണ്ടാകാന് പാടില്ലെന്നും ശ്രീകുമാരന് തമ്ബി ഫേസ്ബുക്കില് കുറിച്ചു.
ഫേസ്ബുക്ക് കുറിപ്പ് ഇങ്ങനെ ;
ഹൈദരാബാദില് യുവ ലേഡീ ഡോക്ടറെ ബലാത്സംഗം ചെയ്തതിന് ശേഷം ആ ശരീരം അഗ്നിക്കിരയാക്കിയ നരാധമന്മാരെ വെടിവച്ചു കൊന്ന പൊലീസ് സംഘത്തെ അഭിനന്ദിക്കുന്നു. മനഃപൂര്വം ചെയ്തതാണെങ്കിലും അല്ലെങ്കിലും സംഭവം തികച്ചും ഉചിതമായി. സ്ത്രീകള്ക്കും കുഞ്ഞുങ്ങള്ക്കും നേരെയുള്ള ഇത്തരം ആക്രമണങ്ങള് കൂടിവരുന്ന ഈ കാലത്ത് ഇതു തന്നെയാണ് ഏറ്റവും ഉചിതമായ ശിക്ഷാവിധി. ജയിലില് സുഖവാസവും കള്ളന്മാരായ വക്കീലന്മാരുടെ സഹായവും നേടി ചുളുവില് രക്ഷപ്പെടുന്ന ഗോവിന്ദച്ചാമിമാരും നിര്ഭയകേസിലെ കൊലയാളികളും ഇനിയും ഉണ്ടാകാന് പാടില്ല.
https://www.facebook.com/Malayalivartha
