വൈദ്യുതി കണക്ഷന് ഓണ്ലൈനായി എടുക്കുന്നവര്ക്ക് അടുത്ത വര്ഷം മുതല് അപേക്ഷാഫീസില്ല
ഓണ്ലൈനായി വൈദ്യുതി കണക്ഷന് എടുക്കുന്നവര്ക്ക് അടുത്തവര്ഷം മുതല് അപേക്ഷാഫീസ് ഒഴിവാക്കും. വൈദ്യുതി ഭവനില് കസ്റ്റമര് കോണ്ക്ലേവിനിടയില് പദ്ധതിയുടെ ഉദ്ഘാടനം മന്ത്രി എം.എം. മണി നിര്വഹിച്ചു. ഇടുക്കി പദ്ധതിയില് രണ്ടാമത് വൈദ്യുതി നിലയം എന്ന ആശയവുമായി മുന്നോട്ടുപോകുമെന്ന് മന്ത്രി പറഞ്ഞു.സൗരോര്ജ പദ്ധതികള് വ്യാപകമാക്കാനും വിപുലീകരിക്കാനും പ്രത്യേകശ്രദ്ധ നല്കും. വൈദ്യുതി ബോര്ഡ് പ്രവര്ത്തനങ്ങളില് കാലാനുസൃതമായ മാറ്റംവരുത്തും.
ഓണ്ലൈന് സേവനങ്ങള് വ്യാപകമാക്കിയതും വൈദ്യുതി കണക്ഷന് എടുക്കുന്ന നടപടികള് ലഘൂകരിച്ചതും ഉപഭോക്താക്കളോടുള്ള കെ.എസ്.ഇ.ബിയുടെ നല്ല സമീപനത്തിന് ഉദാഹരണമാണെന്നും മന്ത്രി പറഞ്ഞു. സാമൂഹമാധ്യമങ്ങളില് വിഡിയോ, ട്രോള്, പോസ്റ്റര് വിഭാഗങ്ങളില് നടത്തുന്ന മത്സരങ്ങളുടെ പ്രഖ്യാപനം മന്ത്രി നടത്തി. കെ.എസ്.ഇ.ബിയുടെ ഓണ്ലൈന് സേവനങ്ങള് നടത്തിയവരില്നിന്നും തെരഞ്ഞെടുക്കപ്പെട്ടവര്ക്കായി സമ്മാനങ്ങള് വിതരണംചെയ്തു. കസ്റ്റമര് കോണ്ക്ലേവില് ഉയര്ന്നുവന്ന 31 നിര്ദേശങ്ങളില് 21 എണ്ണവും പ്രാവര്ത്തികമാക്കി. ഏഴില് നടപടികള് സ്വീകരിച്ചുവരുന്നു.
"
https://www.facebook.com/Malayalivartha