ഓട്ടോയിൽ കയറി യാത്രക്കാരന്റെ ഉടുമുണ്ടും പറിച്ച് ഓടി മദ്യപൻ. കഴിഞ്ഞ ദിവസം രാത്രി എട്ടോടെ അഞ്ചിരി ഭാഗത്തായിരുന്നു സംഭവം. മൊബൈൽ ഫോൺ ബസിൽ മറന്നു വച്ചു എന്നു പറഞ്ഞായിരുന്നു ഓട്ടോ പിടിച്ച് ബസിന് പിന്നാലെ പാഞ്ഞത്. 7 കിലോമീറ്റർ ഓട്ടോയിൽ കയറി സഞ്ചരിച്ച് ബസിനുള്ളിൽ കയറി പൊരിഞ്ഞ അടിയുണ്ടാക്കിയ ശേഷമാണ് ബസ്‌ യാത്രക്കാരന്റെ ഉടുമുണ്ടും പറിച്ച് ഓടി രക്ഷപ്പെട്ടത്.

ഇതിനിടെ ഓട്ടം വിളിച്ചു കൊണ്ടു വന്ന ഓട്ടോറിക്ഷയുടെ കണ്ണാടിച്ചില്ല് മദ്യപന്റെ കൈ തട്ടി പൊട്ടുകയും ചെയ്തു. തൊടുപുഴ നഗരത്തിൽ ഓടുന്ന ഓട്ടോറിക്ഷ തൊഴിലാളിയുടെ ഓട്ടത്തിന്റെ കൂലിയും കണ്ണാടിച്ചില്ലും ഇല്ലാതാക്കിയ ശേഷം ഇരുട്ടിൽ മുണ്ട് കയ്യിൽ പിടിച്ച് റോഡിലൂടെ പാഞ്ഞ ഇയാളെ നാട്ടുകാരും ഓട്ടോ ഡ്രൈവറും അന്വേഷിച്ചെങ്കിലും കണ്ടെത്താൻ കഴിഞ്ഞിരുന്നില്ല.